Յարութիւն Արմէնեանի Ստեղծագործութեանց Ցուցահանդէս Եւ Նոր Հատորի Ներկայացում

1010Armenian

 

1010Armenian

ԿԼԵՆՏԷՅԼ.- Հինգշաբթի, 24 Հոկտեմբերին, երեկոյեան ժամը 7:30էն սկսեալ, «Ապրիլ» գրատան մէջ տեղի պիտի ունենայ Յարութիւն Արմէնեանի՝ «Ճանապարհն Ու Մենք՝ Առաքեալի Հետքերով» հատորին ներկայացումը

Գիրքը գրուած է Սոնա եւ Յարութիւն Արմէնեաններուն՝ դէպի Սանտիակօ տէ Քոմփոսթելա կատարած 700 քլմ. ճանապարհորդութեան ընթացքին եւ անոր հետեւող ամիսներուն: Հոն ներկայացուած ջրանկարները գրեթէ ամողջութեամբ նկարուած են ճամբուն ընթացքին:

Այս գիրքը գրուած է նաեւ Յակոբ առաքեալի հետքերով՝ ի Սպանիա կատարուած ուխտագնացութիւններու ներշնչումով: Նոյն ներշնչումն է, որուն մղումով Արմէնեան «Անցեալը Դեռ Հոս Չի Հալիր» գիրքով ներկայացուցած էր, 2006ին Արմէնեաններուն Արարատի գագաթը բարձրանալու պատումը՝ բանաստեղծութեամբ ու ջրանկարներով:

Գիրքը պիտի ներկայացնէ Յակոբ Կիւլլիւճեան։

Մուտքը ազատ է եւ տեղի պիտի ունենայ հիւրասիրութիւն։

Այս առիթով, «Ռոսլին» ցուցադրասրահին մէջ 18էն 31 Հոկտեմբեր տեղի պիտի ունենայ նաեւ նշեալ ջրանկարներուն նուիրուած ցուցահանդէսը, որուն բացման արարողութիւնը տեղի պիտի ունենայ 18 Հոկտեմբերին, երեկոյեան ժամը 7ին։ Ցուցադրասրահը բաց է Երկուշաբթիէն Շաբաթ, առաւօտեան ժամ 10էն մինչեւ երեկոյեան ժամը 7։

«Ապրիլ» գրատունը եւ «Ռոսլին» ցուցադրասրահը կը գտնուին՝ 415 E. Broadway, Glendale CA 91205 հասցէին։

Յաւելեալ տեղեկութեանց համար՝ դիմել (818) 241-0611 թիւին կամ  noor@abrilbooks.com հասցէին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top