Airbus Ընկերութեան Ներկայացուցիչները Հայաստանի Մէջ

1017Airbus

1017Airbus

Հայաստանի նախագահ Արմէն Սարգսեան 16 Հոկտեմբերին հիւրընկալեց աշխարհահռչակ Airbus ընկերութեան պաշտպանական եւ տիեզերական հարցերով փոխնախագահ Լիոնել Շամփօ եւ տարածաշրջանային պատասխանատու Վսեվոլոտ Քազաքով, որոնք Հայաստան կը գտնուին նախագահին հրաւէրով։

«Իմ խնդիրն է դռներ բացել մեր երկրի համար, օգտակար լինել եւ աջակցել իմ փորձով եւ հնարաւորութիւններով», ըսաւ նախագահը՝ վստահութիւն յայտնելով, որ Airbus-ի ներկայացուցիչները ճամբորդական ոլորտին մէջ համագործակցութեան վերաբերեալ արդիւնաւէտ հանդիպումներ պիտի ունենան:

Airbus ընկերութեան ներկայացուցիչները ուզեցին հիմնականօրէն ծանօթանալ համագործակցութեան հեռանկարներուն, հայաստանեան շուկային հնարաւորութիւններուն:

Հանդիպման ընթացքին անդրադարձ կատարուեցաւ համագործակցութեան կարելիութիւններուն՝ բարձր արհեստագիտութեան ոլորտին մէջ: Նախագահ Սարգսեանը ներկայացուց Հայաստանի ներուժը այդ ոլորտին մէջ՝ հիւրերը տեղեկացնելով նաեւ գիտութեան եւ արհեստագիտութեան զարգացման վերաբերող ATOM (Advanced Tomorrow) նախագահական ծրագիրին մասին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top