Ողջի Գետը Ապականած Է Թունաւոր Նիւթերով

1018ked

1018ked

ԵՐԵՒԱՆ, «Սիվիլնէթ».- 17 Հոկտեմբերի կառավարութեան նիստը սկսաւ Ողջի գետի գոյնին փոփոխութեան վերաբերող՝ Հայաստանի վարչապետ Նիկոլ Փաշինեանի ակնարկով. ան ըսաւ, թէ պատճառը հաւանաբար թունաւոր նիւթերու արտահոսքն է։

Տարածքային կառավարման եւ ենթակառուցուածքներու նախարար Սուրէն Պապիկեան նշեց, որ 17 Հոկտեմբերի առաւօտուն, Սիւնիքի մարզպետէն տեղեկութիւն ստացած է, որ գետը փոխած է գոյնը եւ դարձած սրճագոյն, եւ հաւանական է, որ գետին մէջ լեցուած են Զանգեզուրի պղինձի հանքի պոչամբարի նիւթերը:

Ըստ շրջակայ միջավայրի նախարար Էրիկ Գրիգորեանի՝ ներկայիս կը կատարուին ուսումնասիրութիւններ, եւ պատճառներուն մասին կարելի է աւելի ուշ խօսիլ։

Գլխաւոր դատախազ Արթուր Դաւթեան տեղեկացուց, որ դէպքի վայրին մէջ ներկայիս կը կատարուին քննութիւններ եւ տեղանքի զննութիւն:

Նախնական տուեալներու համաձայն՝ յայտնաբերուած է վնասուած խողովակ մը, ուրկէ կեղտաջուրերը հոսած են Ողջի գետին մէջ: Դաւթեան նշեց, որ այժմ մասնագէտներ կ՛ուսումնասիրեն քրէական գործ յարուցելու անհրաժեշտութիւնը:

Արտակարգ իրավիճակներու նախարար Ֆելիքս Ցոլակեան յայտնեց, որ փրկարարները պարզած են, թէ վնասուած խողովակներուն մասին անոնց տէրերը չեն յայտնած, գաղտնի պահած են եւ իրենք արդէն փակած են նիւթերու արտահոսքը:

Ըստ Ցոլակեանի՝ վնասին մասին պիտի պարզէ Շրջակայ միջավայրի նախարարութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top