Փաշինեան Զոհուած Զինուորներու Ընտանիքներուն Հարցը Պիտի Հետապնդէ

1018mother

1018mother

ԵՐԵՒԱՆ, «Փանորամա».- Հայաստանի վարչապետ Նիկոլ Փաշինեան 17 Հոկտեմբերին հանդիպում ունեցաւ զոհուած զինուորներու մայրերուն հետ:

Վարչապետը յիշեցուց, որ «Զինծառայողների ապահովագրութեան հիմնադրամ»էն օգտուողներու շրջանակները շատ արագ թափով կ՛ընդարձակուին, եւ 2020ի Յունուար 1էն սկսեալ հիմնադրամը վճարումներ պիտի կատարէ 1998ի Յունուար 1էն ետք հայրենիքի պաշտպանութեան ժամանակ զոհուած զինուորներու ընտանիքներու անդամներուն, առաջին կամ երկրորդ խումբի հաշմանդամութիւն ստացած զինուորներուն։

«Մենք 1.5 տարուայ ընթացքում 19 տարով յետ ենք գնացել, 19 տարուայ շահառուների խնդիրը լուծել ենք: Մեր նպատակն այն է, որ յետ գնանք ու հասնենք մինչեւ ամենասկիզբ: Դա մեզնից աշխատանք է պահանջում, որը մենք կը կատարենք», ըսաւ ան։

Նիկոլ Փաշինեան շեշտեց, որ իրենք կը փորձեն լուծել երկար ատենէ չլուծուած հարցեր՝ խնդրելով, որ համբերող ըլլան։ «Ես ուզում եմ հաւաստիացնել, որ մենք անելու ենք դա եւ գնալու ենք մինչեւ ամենասկիզբը: Գիտեմ, որ նոյնիսկ այդ դէպքում չենք կարող համարել, որ բոլոր հարցերը լուծուած են, որովհետեւ այնուամենայնիւ ծառայութեան ընթացքում կան մահացած զինուորներ, որոնք դեռեւս շահառու չեն համարւում, որովհետեւ կան տարբեր կատեգորիաներ (խմբաւորումներ-Խմբ.)»: Ան յիշեց այդ խմբաւորումներուն անդամները եւ զինուորներուն զոհուելուն եւ վիրաւորուելուն տարբեր հանգամանքները՝ դիտել տալով, որ աշխատանք կը կատարուի բոլորը սերտել եւ միջին լուծում գտնել։

Վարչապետը լսեց զոհուած զինուորներուն հարազատներուն հարցերը ու դիտարկումները, պատասխանեց անոնց հարցումներուն: Նիկոլ Փաշինեանը խոստացաւ մանրամասն քննարկել ներկայացուած խնդիրներն ու առաջարկները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Վռամ said:

    «Մեր նպատակն այն է, որ յետ գնանք ու հասնենք մինչեւ ամենասկիզբ», ըսաւ Փաշինեան։
    «ԱՄԵՆԱՍԿԻԶԲ», կրնա՞յ պատահիլ որ մինչեւ Վարդան Մամիկոնեան եւ իրեն զօրակից զինուորներուն հասնինք…:

*

Top