Արցախի Մարդու Իրաւունքներու Պաշտպանը ԸՆդունեց ԱՄՆ Հայ Իրաւաբաններու Միութեան Պատուիրակութիւնը

1018Garo

1018Garo

ԵՐԵՒԱՆ, «Արմէնփրէս».- Արցախի Հանրապետութեան Մարդու իրաւունքներու պաշտպան Արտակ Բեգլարեան 15 Հոկտեմբերին ընդունեց Միացեալ Նահանգներու Հայ իրաւաբաններու միութեան մարդու իրաւունքներու կոմիտէի համանախագահներ Կարօ Ղազարեանն ու Գառնիկ Քերքոնեանը:

Արտակ Բեգլարեան ողջունեց միութեան պատուիրակութեան հերթական այցելութիւնը Արցախ՝ բարձր գնահատելով կազմակերպութեան հետ ձեւաւորուած համագործակցութիւնը եւ անոնց տեւական ուշադրութիւնը արցախցիներու իրաւունքներու պաշտպանութեան հիմնախնդիրներուն նկատմամբ:

Կարօ Ղազարեան ու Գառնիկ Քերքոնեան իրենց հերթին գոհունակութիւն յայտնեցին զարգացող համագործակցութեան արդիւնքներէն՝ պատրաստակամութիւն յայտնելով շարունակել ջանքերը եւ աշխատիլ անոնց առաւել արդիւնաւորման ուղղութեամբ։

Կողմերը քննարկեցին նաեւ այլ հարցեր, որոնց կարգին՝ Արտակ Բեգլարեանի Քալիֆորնիա այցելութեան ծիրին մէջ ձեռքբերուած պայմանաւորուածութիւններու իրականացման ընթացքը։

Միութեան պատուիրակութիւնը, Բեգլարեանի միջնորդութեամբ, աշխատանքային հանդիպումներ ունեցան պետական այլ պաշտօնեաներու հետ, ինչպէս նաեւ դասախօսութեամբ հանդէս եկել Արցախի պետական համալսարանին մէջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top