Աւելցած Է Հայաստան Այցելող Զբօսաշրջիկներուն Եւ Լրագրողներուն Թիւը

1018Tourist

 

1018Tourist

ԵՐԵՒԱՆ, «Արմէնփրէս».- Հայաստան այցելած զբօսաշրջիկներուն թիւը այս տարուան առաջին կիսամեակին աւելցած է շուրջ 12.3 տոկոսով: Երկրի ճանաչելիութեան բարձրացման համար նախաձեռնուած են քարոզչական տարբեր քայլեր, որոնց իբրեւ արդիւնք Հայաստան եկած են շարք մը լրագրողներ եւ պլոկըրներ (սիւնակագիրներ-Խմբ.):

Այս տուեալները փոխանցեց Հայաստանի տնտեսութեան նախարար Տիգրան Խաչատրեան, որուն համաձայն, Հայաստան այցելած զբօսաշրջիկներուն թիւը, առաջին կիսամեակին, կազմած է 770 հազար մարդ, ինչ որ 12.3 տոկոսով աւելի է նախորդ տարուան նոյն ժամանակաշրջանէն։

Նախարարը նշեց, որ ճանաչողական այցելութեամբ Հայաստան եկած են Զուիցերիոյ Լրագրողներու միութենէն 17 ներկայացուցիչներ, որոնք անկէ ետք Հայաստանի մասին 30է աւելի յօդուածներ հրապարակած են: Նախարարը վստահութիւն յայտնեց, որ այդ ժամանակաշրջանին զբօսաշրջիկներուն համար նոր ճանաչողութիւն աւելցած է Հայաստանի մասին:

Խաչատրեան խօսեցաւ նաեւ առեւտրատնտեսական հարցերով հայ-չինական միացեալ յանձնաժողովի նիստին մասին՝ քանի մը հանգամանքի վրայ կեդրոնանալով։ «Դա UnionPay վճարային համակարգի կիրառելիութեան համար բաւարար պայմանների ստեղծումն է Հայաստանում: Երբ մենք դա անենք, էապէս կը բարձրացնենք չինացի զբօսաշրջիկների՝ Հայաստանում գտնուելու յարմարաւէտութիւնը: Դա Չինաստանում ամենատարածուածն է, եւ գործնականում միակը, որը չինացի զբօսաշրջիկները կարող են օգտագործել դրսում գտնուելու ընթացքում», ըսաւ նախարարը եւ նշեց, որ կը կարծէ, թէ ատիկա էապէս պիտի նպաստէ չինացի զբօսաշրջիկներու թիւի աճին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top