Անթիլիասի Ս. Գրիգոր Լուսաւորիչ Մայր Տաճարի Վերանորոգութեան Աւարտէն Ետք՝ Օրհնութեան Կարգ

0000VANK

0000VANKԱՆԹԻԼԻԱՍ.- Անցնող երկու ամիսներուն ընթացքին, Անթիլիասի Մայրավանքի Ս. Գրիգոր Լուսաւորիչ Մայր տաճարին մէջ տեղի ունեցան վերանորոգման աշխատանքներ, բարձր հովանաւորութեամբ Արամ Ա. կաթողիկոսին եւ ազնիւ բարերարութեամբ Ամերիկայի հիւսիսային արեւմտեան հայոց թեմի ազգայիններէն տէր եւ տիկ. Յովսէփ եւ Էլիզապէթ Պոյաճեան ամոլին:

Արդարեւ, վերանորոգման աշխատանքներուն աւարտին, Շաբաթ, 12 Հոկտեմբերի երեկոյեան, միաբան հայրերէ կազմուած Հայրապետական թափօրը, նախագահութեամբ վեհափառ հայրապետին՝ շարականներու երգեցողութեամբ եւ սաղմոսներու ու աղօթքներու արտասանութեամբ ուղղուեցաւ Մայր տաճար, ուր տեղի ունեցաւ եկեղեցւոյ օրհնութեան յատուկ կարգը:

Արարողութեան աւարտին, կաթողիկոսըը «Լուսաւորեա Երուսաղէմ» շարականին երգեցողութեամբ բարձրացաւ Ս. Խորան եւ վառեց Քրիստոսի լոյսը խորհրդանշող աշտանակները: Ապա, տեղի ունեցաւ Կիրակմուտքի ժամերգութիւնը:

Յայտնենք, որ Արամ Ա. վեհափառին գահակալութեան շուրջ 25 տարիներուն ընթացքին երրորդ անգամն ըլլալով Մայր տաճարը կ՛ենթարկուի ամբողջական վերանորոգման՝ բնականաբար յաճախակի առիթներով կատարուած բարեզարդման որոշ աշխատանքներու առընթեր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top