Գամիշլիի Ազգային Առաջնորդարանին Մէջ Խորհրդակցական Հանդիպում

0000KAMISHLI

 

0000KAMISHLI

ՀԱԼԷՊ, «Գանձասար».- Շաբաթ, 12 Հոկտեմբերի երեկոյեան Բերիոյ հայոց թեմի Ճեզիրէի առաջնորդական փոխանորդ Լեւոն աբղ. Եղիայեանի գլխաւորութեամբ, Կաթողիկէ հայոց հոգեւոր հայր Յովսէփ քհնյ. Պետոյեանի, Հայ առաքելական Ս. Յակոբ եկեղեցւոյ հովիւ Պսակ քհնյ. Պէրպէրեանի, ազգային եւ բարեսիրական միութիւններու ներկայացուցիչներու մասնակցութեամբ խորհրդակցական նիստ մը գումարուեցաւ Գամիշլիի Ազգային առաջնորդարանի դահլիճին մէջ:

Հանդիպումին գլխաւոր օրակարգն էր՝ վերջին իրադարձութիւններու լոյսին տակ, Գամիշլիի հայութեան ապահովութեան համար նախատեսուած անհրաժեշտ քայլերու ձեռնարկումը: Յետ խորհրդակցութեանց, ժողովը հրապարակեց հետեւեալ հաղորդագրութիւնը.

«Բերիոյ Հայոց թեմի Ճեզիրէի առաջնորդական փոխանորդութիւնը, ազգային մարմիններն ու միութիւնները կը յայտարարեն հետեւեալը.

Քննելով Սուրիոյ հիւսիսային շրջանները Թուրքիոյ ներխուժման պատճառով յառաջացած ներկայ իրավիճակը՝ կոչ կ՛ուղղենք Ճեզիրէի մեր ժողովուրդին.

– Համախմբուած մնալու ազգային կառոյցներուն շուրջ,

– Ներկայ իրադարձութիւններուն լոյսին տակ զսպուածութիւն դրսեւորելու,

– Անտեղի խուճապային վիճակներ չյառաջացնելու եւ չտարուելու անհիմն եւ կողմնակի տարաձայնութիւններով:

Մօտէն հետեւելով իրադարձութիւններուն՝ մեր ժողովուրդի զաւակներուն կը յայտնենք, որ ժողովուրդին կողքին ենք մեր բոլոր կարողականութեամբ եւ հնարաւորութիւններով՝ ապահովելու անոր անվտանգութիւնն ու կենցաղային կարիքները:

 

Բերիոյ Հայոց Թեմի Ճեզիրէի

Առաջնորդական Փոխանորդութիւն

Ճեզիրէի Կայ Կաթողիկէ Եկեղեցի

Ճեզիրէի Ազգային Մարմիններ

Ճեզիրէի Հայկական Բարեսիրական Միութիւններ

 

Գամիշլի, 12 Հոկտեմբեր 2019»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top