Մասնակցութիւն՝ Լիբանանեան Մշակութային Կեդրոնի Բացման Արարողութեան

0000Lebanon Cultural Center1

0000Lebanon Cultural Center1

ԼՈՍ ԱՆՃԵԼԸՍ.- Շաբաթ, 5 Հոկտեմբերին տեղի ունեցաւ Լոս Անճելըսի մէջ լիբանանեան «House of Lebanon» մշակութային կեդրոնի պաշտօնական բացումը՝ մասնակցութեամբ Միացեալ Նահանգներու մօտ Լիբանանի դեսպան Կապրիէլ Իսայի, Լոս Անճելըսի մօտ Լիբանանի գլխաւոր հիւպատոս Միռնա Խաուլիի, այլ բարձրաստիճան անձնաւորութիւններու, Լիբանանի Ամերիկեան հիմնարկի անդամներու եւ լիբանանցի ու հայ համայնքի ներկայացուցիչներու։

Արեւմտեան թեմի առաջնորդ Մուշեղ արք. Մարտիրոսեան, ընկերակցութեամբ Ռազմիկ Ա. քհնյ. Խաչատուրեանի՝ ներկայ եղաւ եւ իր օրհնութիւնները եւ շնորհաւորանքը փոխանցեց։

Յայտագիրը սկիզբ առաւ քայլերգներու երգեցողութեամբ։ Ողջոյնի խօսք արտասանեցին բացման արարողութեան յանձնախումբի համաատենապետներ Հազըմ Հատտատ եւ Ուաֆա Հոպալլա։

Հանդիսավարութիւնը կատարեցին Ալեքսանտրա Խուրի եւ Յարութ Քէօրօղլեան։ Յաջորդաբար խօսք առին դատաւոր Ճէյմզ Քաատօ, Լիբանանի Ամերիկեան հիմնարկի համաատենապետներ տոքթ. Մուհամէտ Ահմար եւ տոքթ. Փօլ Ուաքիմ, հիմնարկի տնօրէն խորհուրդի նախագահ Ժոզէֆ Քարաքի, հիմնարկին երիտասարդաց խմբակի անդամներ Ալեքս Ֆատիլ եւ Մերի Շամմաս եւ դեսպան Նինա Հաչիկեան։ Ապա, Լիբանանի գլխաւոր հիւպատոսը եւ դեսպանը իրենց պատգամը ուղղեցին։

Տեղի ունեցաւ նաեւ պարգեւատրում եւ գործադրուեցաւ գեղարուեստական յայտագիր մը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top