ՄԱԿի Մէջ Հայաստանի Ներկայացուցիչը Վերահաստատեց Հայաստանի Պատրաստակամութիւնը՝ Սուրիոյ Օգնելու

1018MAG

1018MAG

ԵՐԵՒԱՆ, «Փանորամա».- Հոկտեմբեր 16ին ՄԱԿի մէջ Հայաստանի մնայուն ներկայացուցիչ Մհեր Մարգարեան հանդիպում ունեցաւ մարդասիրական հարցերով ՄԱԿի ընդհանուր քարտուղարի տեղակալ եւ ճգնաժամային իրավիճակներու մէջ աջակցութիւն համակարգող Մարք Լոուքոքի հետ:

Հանդիպման ընթացքին Հայաստանի մնայուն ներկայացուցիչը խորին մտահոգութիւն յայտնեց հիւսիսային Սուրիոյ մէջ Թուրքիոյ կողմէ իրականացուող ռազմական ներխուժման ունեցած մարդասիրական հետեւանքներուն առնչութեամբ, որոնց կարգին՝ մարդկային կորուստներու եւ քաղաքացիներու տեղահանման հարցերու:

Մհեր Մարգարեան յատկապէս ընդգծեց ռազմական գործողութիւններուն իբրեւ հետեւանք սուրիահայ համայնքի եւ ազգային ու կրօնական այլ փոքրամասնութիւններուն համար ծագած սպառնալիքները, մասնաւորաբար՝ պատկանելիութեան հիման վրայ յանցանքներու ու զանգուածային ոճրագործութեան վտանգը:

Հայաստանի դեսպանին կողմէ շեշտուեցաւ հիւսիսային Սուրիոյ մէջ մարդասիրական գործողութիւններ իրականացնելու եւ աջակցութիւն ցուցաբերելու կարեւորութիւնը՝ վերահաստատելով Հայաստանի պատրաստակամութիւնը՝ շարունակելու մարդասիրական օգնութիւն ցուցաբերել Սուրիոյ բարեկամ ժողովուրդին:

Կողմերը քննարկեցին այդ ուղղութեամբ համագործակցութեան եւ ջանքերը համադրելու հնարաւորութիւնները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top