Ֆութպոլի Ազգային Հաւաքականի Գլխաւոր Մարզիչը Հրաժարեցաւ

1019Marzich

1019Marzich

ԵՐԵՒԱՆ.- Հայաստանի ֆութպոլի ազգային հաւաքականի գլխաւոր մարզիչ Արմէն Գիւլբուդաղեանց հրաժարական տուաւ: Այս մասին տեղեկացուց Հայաստանի ֆութպոլի դաշնակցութիւնը:  Ըստ մարզիչին՝ ան կը հրաժարի, որովհետեւ հաւաքականը չկրցաւ Եուրօ 2020ի եզրափակիչ փուլի ուղեգիր նուաճել:

Ան դիտել տուաւ, որ տարիէ մը ի վեր կը վարէ գլխաւոր մարզիչի պաշտօնը, այդ ժամանակաշրջանին եղած են թէ՛ ուրախ, եւ թէ տխուր պահեր՝ կապուած հաւաքականի ելոյթներուն։ Մարզիչը աւելցուց, որ ընտրական փուլը դեռ չէ աւարտած, բայց հաւաքականի գլխաւոր մարզիչի պաշտօնէն հեռանալու բարդ որոշում կայացուցած է, քանի որ չէ կրցած արդարացնել Հայաստանի հաւաքականի համակիրներու յոյսերը՝ խումբը հասցնել Եւրոպայի ախոյեանութեան եզրափակիչ փուլ:

Հայաստանի ֆութպոլի դաշնակցութեան նախագահ Արթուր Վանեցեան շնորհակալութիւն յայտնեց Արմէն Գիւլբուդաղեանցին՝ անոր կատարած աշխատանքին համար՝ նշելով, որ իրեն համար դժուար է ընդունիլ մարզիչին հրաժարականը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top