Սարհատ Պետրոսեան Հրաժարեցաւ

1019Sarhad

1019Sarhad

 

ԵՐԵՒԱՆ, «Արմէնփրէս».- Անշարժ գոյքի կադաստրի (կալուածներու-Խմբ.) կոմիտէի ղեկավար Սարհատ Պետրոսեան հրաժարականը ներկայացուց վարչապետ Նիկոլ Փաշինեանին: Պետրոսեան այս մասին գրած է «Ֆէյսպուք»ի իր էջին վրայ:

Ան յոյս յայտնեց, որ արդէն հանրային այս յայտարարութենէն ետք կառավարութեան յառաջիկայ նիստին իր խնդրանքին ընթացք պիտի տրուի։

Պետրոսեան գրած է, որ նախորդ աւելի քան մէկ տարուան ընթացքին այս պաշտօնը եղած է պատուաբեր, ուսուցողական, հետաքրքրական, ինչպէս նաեւ պատասխանատու։ Այս առիթով ան շնորհակալութիւն յայտնեց վարչապետ Նիկոլ Փաշինեանին՝ վստահութեան համար եւ հաստատեց, որ կը սատարէ փոփոխութիւններուն, հակառակ անոր որ երբեմն ունեցած է ներքին անհամաձայնութիւններ։

Սարհատ Պետրոսեան տեղեկացուց, որ իր հրաժարականը ունի միայն մասնագիտական պատճառներ՝ պայմանաւորուած չէ տարուող ոլորտային քաղաքականութեամբ, ուստի խնդրեց, որ փորձ չկատարուի քաղաքական նկատառումներով օգտագործել այս մէկը։

Սարհատ Պետրոսեան Հայաստանի անշարժ գոյքի կադաստրի կոմիտէի ղեկավար նշանակուած էր 9 Օգոստոս 2018էն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top