Զանգուածային Ցոյցերէն Ետք, Լիբանանի Կառավարութիւնը Վաւերացուց Վարչապետին Բարեկարգումներու Առաջարկը

1022leb

 

1022leb

ՊԷՅՐՈՒԹ, «Էյ.Փի.», «Ազդակ».- Անցեալ շաբաթ, լիբանանցիներուն պոռթկումը վերածուեցաւ երկրին պատմութեան մէջ արտակարգ եւ աննախընթաց երեւոյթի մը, որուն կարեւորութիւնը կը կայանար անոր մէջ, որ լիբանանցի ժողովուրդը իր արդարացի ցաւը արտայայտեց քաղաքակրթութեամբ՝ գլխաւորաբար մերժելով խուլիկաններուն մուտքը իր շարքերուն մէջ եւ մնալով կառչած ցոյցերուն խաղաղ բնոյթին:

Կառավարութիւնը Երկուշաբթի օր գումարած իր 5 ժամեայ ժողովէն ետք վաւերացուց բարեկարգումներու ծրարը, որ աւելի ուշ ստորագրուեցաւ նախագահ Միշել Աունի կողմէ:

Ցարդ յստակ չէ, թէ Երկուշաբթի եւս ցոյցեր կատարողներուն համար որքանով համոզիչ պիտի ըլլայ այս ծրարը։

Նշենք, որ «Հըզպալլա»ի ընդհանուր քարտուղար սէյիտ Հասան Նասրալլա Շաբաթ օր արտասանեց պատկերասփռուած ճառ մը՝ շեշտելով, որ «Հըզպալլա» կը յարգէ լիբանանցիներուն բողոքը՝ ընդգծելով, որ անոնք պատգամը ուժգնութեամբ կրցած են հասցնել բոլոր պատասխանատուներուն:

Ան շեշտեց, որ բարեկարգում չի նշանակեր տուրքեր պարտադրել՝ նկատել տալով, որ տուրքերը պէտք է պարտադրել հարուստներուն, ընկերութիւններուն եւ դրամատուներուն եւ ոչ թէ համեստ դասակարգին վրայ:

Նասրալլա ընդգծեց, որ Լիբանանի մէջ տիրող տնտեսական տագնապը 30 տարուան կուտակումներու հետեւանք է՝ աւելցնելով. «Ոչ ոք պէտք է խուսափի իր պատասխանատուութիւնները ստանձնելէ, ներառեալ՝ մենք»:

Լիբանանեան բանակը կոչ ուղղեց քաղաքացիներուն, որ իրենց իրաւունքներուն համար խաղաղ կերպով ցոյց կատարեն, ամբողջական զօրակցութիւն յայտնելով ժողովուրդին արդարացի պոռթկումին։

Միացեալ Նահանգներու արտաքին գործոց նախարարութենէն պաշտօնատար մը զօրակցութիւն յայտնեց լիբանանցի ժողովուրդին խաղաղ ցոյց կատարելու իրաւունքին:

Ան նշեց, որ տասնամեակներ շարունակ տիրող վատ ընտրանքները Լիբանանը զետեղած են տնտեսական քայքայման եզրին՝ մաղթելով, որ այս ցոյցերը Պէյրութը մղեն դէպի տնտեսական բարեկարգումներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. S. Dermelkoniann said:

    We love Lebanon reforming : abolish daily bribe collected for official paper + judiciary ruling : form technocrat government : punish reform laws saboteur.

Leave a Reply to S. Dermelkoniann Cancel reply

*

Top