Յարձակում «Նուվել Տ՛Արմէնի»ի Վրայ

Nouvelles-dArmenie_102019a

1022Nouvelles

ՓԱՐԻԶ.- «Օրեր» թերթը, վկայակոչելով Ֆրանսայի մօտ Հայաստանի դեսպանատան յայտարարութիւնը՝ կը հաղորդէ, թէ Փարիզի մէջ յարձակում մը կատարուած է «Նուվել Տ՛Արմէնի» հայկական թերթին գրասենեակին վրայ:

Հայաստանի դիւանագիտական ներկայացուցչութիւնը դատապարտեց «այս լուրջ ոտնձգութիւնը խօսքի ազատութեան եւ հանրապետական արժէքներուն նկատմամբ»։

Մինչ այդ, «Նուվել Տ՛Արմէնի»ն իր «Թուիթըր»ի էջին վրայ հրապարակած է լուսանկար մը, որուն մէջ կ՛երեւի գործուած աւերը:

Հայկական ամսագիրը յարձակումը կը կապէ գլխաւոր խմբագիր Արա Թորանեանի՝ Փարիզի մէջ տեղի ունեցող հակաթրքական շարժումներուն մասնակցելուն եւ Սուրիոյ քիւրտերուն աջակցութիւն յայտնելու կեցուածքին հետ:

Նշենք, որ խմբագրութեան վրայ յարձակումը կատարուեցաւ 19էն 20 Հոկտեմբերի լուսցող  գիշերը: Ըստ խմբագրութեան փոխանցած տեղեկութիւններուն՝ յարձակողները, գողցած են 3 համակարգիչներ եւ  լուսանկարչական գործիք մը, որոնց մէջ կային խմբագրական գաղտնիք պարունակող տեղեկութիւններ, ինչպէս նաեւ ամսագիրին յառաջիկայ թիւերու լրագրողական նիւթերը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top