Հայաստանի Եւ Չինաստանի Պաշտպանութեան Նախարարներու Հանդիպում

image (9)

image (9)

ԵՐԵՒԱՆ, «Արմէնփրէս».- Պէյճինկի մէջ կայացող միջազգային անվտանգութեան հարցերով Սեանշանի 9րդ համաժողովի ծիրին մէջ 22 Հոկտեմբերին կայացաւ Հայաստանի պաշտպանութեան նախարար Դաւիթ Տօնոյեանի առանձին հանդիպումը Չինաստանի պաշտպանութեան նախարար, զօրավար-գնդապետ Վէյ Ֆենխէի հետ:

Պաշտպանական գերատեսչութիւններու ղեկավարները բարձր գնահատեցին հայ-չինական երկկողմանի համագործակցութեան ընթացքը, գոհունակութիւն յայտնեցին ռազմական եւ ռազմական-թեքնիք բնագաւառին մէջ իրականացուող միջոցառումներուն վերաբերեալ:

Յատուկ ուշադրութեան արժանացան երկու պետութիւններուն ուսումնական հաստատութիւններուն մէջ զինուորներու փոխադարձ վերապատրաստութեան, խաղաղապահ առաքելութիւններու մէջ ներգրաւման, գործնական եւ մարտական պատրաստութեան միջոցառումներու միացեալ մասնակցութեան հարցերը:

Հանդիպման ընթացքին միտքեր փոխանակուեցան հայ-չինական փոխգործակցութեան հետագայ զարգացման ուղիներու, ոլորտներու ու հեռանկարներու, ինչպէս նաեւ շրջանային եւ միջազգային անվտանգութեան առնչուող հարցերու շուրջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top