Իրաք Եւ Լիբանան Արժանի Են Իրանի Միջամտութիւններէն Ձերբազատելու. Փոմփէօ

ՈՒԱՇԻՆԿԹԸՆ, «Էյ.Փի.».- Միացեալ Նահանգներու արտաքին գործոց նախարար Մայք Փոմփէօ ընկերային ցանցերու վրայ գրառում մը կատարելով՝ յայտնեց. «Իրաք եւ Լիբանան արժանի են իրենց ներքին հարցերը կառավարելու՝ առանց Իրանի գերագոյն հոգեւոր պետ սէյիտ Ալի Խամենէիի վարչակարգի միջամտութեան։

Նշենք, որ Փոմփէօ Սէուտական Արաբիոյ արտաքին գործոց նախարար Ատել Ճուպէյրի հետ Չորեքշաբթի օր քննարկեց Եմենի, Սուրիոյ, Իրաքի եւ Լիբանանի մէջ տիրող կացութիւնը եւ Իրանի քայլերուն դէմ դնելու կարելիութիւնները:

Միւս կողմէ, Պաղտատի մօտ Միացեալ Նահանգներու դեսպանատունը յայտարարեց. «Միացեալ Նահանգները միշտ հետաքրքրուած է զօրակցելով ապահով եւ բարգաւաճ Իրաքի մը, որ կարողութիւնը ունի իր ժողովուրդը պաշտպանել ծայրայեղական բիրտ խմբաւորումներուն դէմ, նոյն ժամանակ զսպելով իր գերիշխանութիւնը եւ ժողովրդավարութիւնը ականահարողները: Այսօր, երբ աշխարհը կը հետեւի Իրաքի դէպքերուն, յստակ է, որ Իրաքի կառավարութիւնը եւ քաղաքական ղեկավարները պէտք է շուտով եւ լրջօրէն հաղորդակցին բարեկարգումներ պահանջող իրաքցի քաղաքացիներուն հետ, որովհետեւ Իրաքը իր ժողովուրդին կամքը ճնշելով ապագայ չունի»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top