Անգարա Դատապարտեց Ցեղասպանութեան Մասին Յունաստանի Նախագահին Յայտարարութիւնները

ՊՈԼԻՍ, «Մարմարա».- Յունաստանի նախագահ Փրոքոփիոս Փաւլոփուլոսի Հայաստան այցելութիւնը եւ Հայոց Ցեղասպանութեան մասին յայտարարութիւնները պատճառ դարձան, որ բողոքի ձայներ լսուին Թուրքիոյ պետական շրջանակներէն։

Արտաքին գործոց նախարարութիւնը դատապարտեց Յունաստանի նախագահին խօսքերը եւ յայտնեց, թէ Յունաստան կը շարունակէ կանգնիլ Թուրքիոյ հակառակորդ շրջանակներու կողքին, զօրակցելով այդ պետութիւններու թրքատեաց քաղաքականութեան։

Նախարարութիւնը նաեւ կը պնդէ, թէ Թուրքիա երբեք պիտի չմոռնայ «այն վայրագութիւնները, զորս Յունաստան պատմութեան ընթացքին գործած է թուրքերու եւ օսմանցիներու դէմ»՝ աւելցնելով, որ «ներկայիս ալ Յունաստան իր երկրի թուրք փոքրամասնութեան դէմ անմարդկային քայլերու կը դիմէ»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top