Ըստ ՄԱԿի Նախկին Քննիչին՝ Էրտողան Պէտք Է Դատուի Սուրիոյ Վրայ Յարձակումին Համար

1109Del Ponte

1109Del PonteՑԻՒՐԻԽ, «Ռոյթըրզ».- ՄԱԿի նախկին դատաքննիչ Քարլա տէլ Փոնթէի համաձայն՝ նախագահ Էրտողան պէտք է դատուի Սուրիոյ վրայ Թուրքիոյ կատարած յարձակման եւ անոր ընթացքին գործուած պատերազմական ոճիրներուն համար: Տէլ Փոնթէ շեշտեց, որ Սուրիա ներխուժելով՝ Թուրքիա բռնաբարած է միջազգային օրէնքներ, նոյն ժամանակ վնաս հասցնելով Սուրիոյ տագնապը լուծելու ջանքերուն:

«Անհաւատալի է, որ Էրտողանին կ՛արտօնուի գրաւել Սուրիոյ հողերը եւ բնաջնջել քիւրտերը», ըսաւ զուիցերիացի նախկին քննիչը, որ Ռուանտայի եւ նախկին Եուկոսլաւիոյ ոճիրներուն վերաբերեալ դատերով զբաղած էր:

«Պէտք է սկսիլ հետաքննութիւն եւ Էրտողանը ամբաստանել պատերազմական ոճիրներով: Պէտք չէ թոյլ տալ, որ ան այս հարցէն պրծի առանց իր յանցանքին գինը վճարելու», եզրակացուց ան զուիցերիական «Շուայզ Ոչենենտ» թերթին հետ հարցազրոյցի մը ընթացքին:

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top