Հայ Դատի Հանդիպումները Նեւատայի Ծերակուտականներու Ներկայացուցիչներուն Հետ

0000ANCA-Las-Vegas1
0000ANCA-Las-Vegas1

Ձախէն աջ՝ դոկտ. Ռաֆայէլ Յովհաննէսեան, Հերա Արմէնեան, ծերակուտական Ռոզընի ներկայացուցիչ Նելսըն Արայուհօ, Լենա Յովհաննէսեան եւ Էնտի Արմէնեան

ԼԱՍ ՎԵԿԱՍ.- Լաս Վեկասի Հայ Դատի յանձնախումբը կը տեղեկացնէ, թէ վերջերս հանդիպումներ ունեցաւ Միացեալ Նահանգներու Ծերակոյտին մէջ Նեւատայէն երկու ներկայացուցիչներու նահանգային գրասենեակներու պատասխանատուներուն հետ՝ քննարկելով յատկապէս Հայոց Ցեղասպանութիւնը ճանչցող թիւ 150 բանաձեւին անոնց զօրակցութիւնը ապահովելու հարցը։

Լաս Վեկասի Հայ Դատի յանձնախումբի համաատենապետ Հերա Արմէնեան կը յայտնէ, թէ Ներկայացուցիչներու տան կողմէ Հայոց Ցեղասպանութեան ճանչումէն ետք, բնական է, որ ներկայիս ջանքերը կեդրոնանան Ծերակոյտին կողմէ եւս նման բանաձեւ մը հաստատելու ջանքերուն վրայ։

Ծերակուտականներ Քեթրին Քորթեզ Մասթոյի եւ Ճեքի Ռոզընի ներկայացուցիչներուն հետ հանդիպումներուն մասնակցեցան Լաս Վեկասի Հայ Դատի յանձնախումբի համաատենապետներ՝ իրաւաբաններ Հերա Արմէնեան եւ Լենա Յովհաննէսեան, համայնքային գործիչ դոկտ. Ռաֆայէլ Յովհաննէսեան եւ Լաս Վեկասի մօտ Հայաստանի պատուոյ հիւպատոս Էնտի Արմէնեան։

Քննարկումներուն ընթացքին շեշտուեցաւ թիւ 150 բանաձեւը հաստատելու կարեւորութիւնը, զայն նկատելով արդարութեան հասնելու հայութեան ջանքերուն առաջնորդող կենսական քայլ մը, որ պիտի նպաստէ նաեւ Թուրքիոյ կողմէ փոքրամասնութեանց դէմ ի գործ դրուող վատ վերաբերմունքը բարելաւելու արշաւին եւ վերջ մը պիտի դնէ Անգարայի ուրացման արշաւին ամերիկացիներու մեղսակցութեան։

0000ANCA-Las-Vegas2

Ձախէն աջ՝ Էնտի Արմէնեան, ծերակուտական Մասթրոյի ներկայացուցիչ Զեք Զարակոզա եւ Հերա Արմէնեան

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top