«Ռազմարդիւնաբերութեան Ոլորտի Զարգացումը Շատ Կարեւոր Է». Վարչապետ Փաշինեան

1115razma

1115razma

ԵՐԵՒԱՆ, «Արմէնփրէս».- Հայաստանի վարչապետ Նիկոլ Փաշինեանի գլխաւորութեամբ 14 Նոյեմբերին տեղի ունեցաւ Հայաստանի Հանրապետութեան ռազմարդիւնաբերական յանձնաժողովի նիստ, որուն օրակարգային հարցերու քննարկումէն առաջ վարչապետ Փաշինեան անդրադարձաւ ռազմարդիւնաբերական համալիրի կառուցուածքային փոփոխութիւններուն՝ անոր ենթակայութիւնը պաշտպանութեան նախարարութեան համակարգէն Բարձր արհեստագիտութեան արդիւնաբերութեան նախարարութիւն փոխադրուելուն:

Ան յոյս յայտնեց, որ այս կառոյցային փոփոխութիւնը պիտի նպաստէ, որ Հայաստանի համար ռազմավարական նշանակութիւն ունեցող այս ոլորտին մէջ էական փոփոխութիւններ եւ տեղաշարժեր արձանագրուին՝ հիմնուելով արդէն իսկ այս պահուն եղած արդիւնքներուն, կատարուած աշխատանքներուն վրայ, որովհետեւ այս ոլորտին զարգացումը շատ կարեւոր է եւ հիմնական։

Նիստին զեկոյցով հանդէս եկաւ Բարձր արհեստագիտութեան արդիւնաբերութեան նախարար Յակոբ Արշակեան: Քննարկուեցան ռազմարդիւնաբերական համալիրի զարգացման, գիտութեան, արհեստագիտութիւններու եւ ռազմարդիւնաբերութեան միջեւ գործոն կապի ձեւաւորման վերաբերող հարցեր: Համաձայնութեան արժանացաւ Յատուկ գիտահետազօտական եւ փորձագիտական աշխատանքներու 2020 թուականի պետական պատուէրի անուանացանկը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top