Հայաստան Այցելած Ֆրեզնոյի Համալսարանի Ուսանողները Իրենց Փորձառութեան Մասին Պիտի Խօսին

0000Armenia 2019 participants CSUF

0000Armenia 2019 participants CSUF

ՖՐԵԶՆՕ.- Քալիֆորնիոյ նահանգային համալսարանի Ֆրեզնոյի մասնաճիւղին մէջ գործող Հայագիտական ծրագիրին կազմակերպութեամբ եւ դասախօսներ Պարլօ Տէր Մկրտիչեանի եւ Սերճիօ Լա Փորթայի առաջնորդութեամբ, անցեալ ամիս համալսարանէն խումբ մը ուսանողներ մասնակցեցան Հայաստանի մէջ իրագործուած յատուկ դասընթացքի մը, որուն զուգահեռ անոնք առիթը ունեցան այցելելու պատմական, կրօնական եւ մշակութային արժէք ներկայացնող շարք մը վայրեր։

Ուսանողները իրենց իւրայատուկ այս փորձառութեան մասին պիտի արտայայտուին Երեքշաբթի, 19 Նոյեմբերին, երեկոյեան ժամը 7:30էն սկսեալ տեղի ունենալիք հանրային ձեռնարկի մը ընթացքին, որ պիտի իրականանայ համալսարանին Գործարարական բաժանմունքի «Փիթըրզ» սրահին մէջ (թիւ 191): Ինքնաշարժները կարելի է ձրիաբար պահել P5 կամ P6 կանգառներուն մէջ, Հայագիտականէն յատուկ գաղտնագիր մը օգտագործելով:

Հայագիտականին աշնանային դասախօսական ձեռնարկներուն մաս կազմող այս ներկայացման մասին յաւելեալ տեղեկութիւններու համար՝ դիմել (559) 278-2669 թիւին կամ այցելել

www.fresnostate.edu/armenianstudies կայքէջը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top