Անհրաժեշտ Է Զօրավիգ Կանգնիլ Մեր Երիտասարդներուն. Արամ Ա. Կաթողիկոս

0000Cath Youth

 

0000Cath Youth

ԱՆԹԻԼԻԱՍ.- «Մեր կեանքին բոլոր մարզերէն ներս երիտասարդութիւնը պէտք է դառնայ առանցքային ներկայութիւն։ Փորձառութիւնը բնական ընթացքով կու գայ, սակայն երիտասարդութեան իւրայատուկ մօտեցումը եւ անոր բերելիք մասնագիտական նպաստը էական են մեր կեանքին համար: Հնամաշ գործելակերպերէ, կարծրատիպ մտայնութենէ, երբեմն դասական ու աւանդական դարձած մօտեցումներէ հարկ է հեռու մնանք: Երիտասարդութիւնը կոչուած է մէկ կողմէ կառչելու իր արմատներուն եւ միւս կողմէ՝ բացուելու ներկայ աշխարհի մարտահրաւէրներուն», ըսաւ Արամ Ա. կաթողիկոս, Հայ Եկեղեցւոյ Համալսարանական ուսանողներու միութեան (ՀԵՀՈՄ) նորընտիր վարչութեան, որ իր հոգեւոր խորհրդատուին գլխաւորութեամբ եկած էր վեհափառին օրհնութիւնը ստանալու:

Կաթողիկոսը գնահատեց ՀԵՀՈՄի նորանշանակ հոգեւոր խորհրդատու Պարոյր վրդ. Շէրնէզեանին պատրաստակամութիւնը օգտակար հանդիսանալու միութեան աշխատանքներուն: Յայտնենք, որ հայր սուրբը Միացեալ Նահանգներու մէջ իր ուսման ու հոգեւոր առաքելութեան աւարտին վերջերս վերադարձած էր Մայրավանք:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top