Միջաշակերտական Յարաբերութիւնները Բարելաւելու Կարելիութիւնները Քննուեցան Լոս Անճելըսի Կրթաշրջանին Հետ

0000ANCA ESFV Grant

0000ANCA ESFV Grant

ՍԱՆ ՎԵԼԻ.- Հանրային «Կրենթ» երկրորդական վարժարանին մէջ Հայաստանի դրօշակին շուրջ ծագած ընդհարումին լոյսին տակ, Արեւելեան Սան Ֆերնանտօ հովիտի Հայ Դատի յանձնախումբէն եւ հանրային վարժարաններու հայ աշակերտներէն բաղկացած պատուիրակութիւն մը Նոյեմբեր 20ին հանդիպում մը ունեցաւ Լոս Անճելըսի Միացեալ կրթաշրջանի պաշտօնատարներու հետ՝ քննելու միջաշակերտական յարաբերութիւնները բարելաւելու եւ աշակերտներուն ապահովութիւնը երաշխաւորելու կարելիութիւնները։

Հայկական պատուիրակութեան մաս կը կազմէին՝ Արեւելեան Սան Ֆերնանտօ հովիտի Հայ Դատի յանձնախումբի վարչութեան անդամներ Վիգէն Սոնենց Փափազեան եւ Թերեզա Պետրոսեան, ինչպէս նաեւ հանրային վարժարաններ յաճախող հայ աշակերտներու յանձնախումբի գործադիր վարիչ Արսինէ Յովհաննիսեան։

Հայաստանի եռագոյնը վարկաբեկելու իբրեւ հետեւանք սկսած ֆիզիքական բախումին ստեղծած լարուածութիւնը քննելու համար, անցեալ ամիս նման հանդիպում մը տեղի ունեցաւ նաեւ «Կրենթ» երկրորդական վարժարանի տնօրէն Ռեպեքա ՄըքՄիւրընի հետ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top