Ատրպէյճան Ռուսիոյ Հետ Զէնքեր Գնելու Նոր Համաձայնագիր Պիտի Կնքէ

1206Lavrov Mammadyarov

1206Lavrov Mammadyarov

ՄՈՍԿՈՒԱ.- Ատրպէյճան եւ Ռուսիա կը պատրաստուին սպառազինութեան գնումի վերաբերեալ նոր համաձայնագիր մը կնքելու, ըսած է Ատրպէյճանի արտաքին գործոց նախարար Էլմար Մամետեարով, ի պատասխան ռուսական «Քոմերսանթ» օրաթերթի լրագրողի հարցումին։

«Կան հետաքրքրական որոշ գաղափարներ: Գործարքը հազիւ աւարտի, լրատուամիջոցներուն տեղեկութիւններ պիտի հաղորդենք», ըսած է ան:

Յիշեցնենք, որ Ռուսիոյ արտաքին գործոց նախարար Սերկէյ Լաւրով այս շաբաթ  Պաքուի մէջ անդրադարձած էր ՀԱՊԿ երկիրներու գերաստիճանին ընթացքին Հայաստանի վարչապետ Նիկոլ Փաշինեանի խօսքին, որուն մէջ ան կոչ ուղղած էր Ռուսիոյ, որ Ատրպէյճանին զէնք չծախէ:

«Ես միայն կրնամ ընդգծել, որ ռազմական-արհեստագիտական համագործակցութիւնը մեր եւ Ատրպէյճանի միջեւ ռազմավարական գործընկերութեան կարեւորագոյն ոլորտներէն մէկն է», ըսած էր Լաւրով:

Ռուսական դիւանագիտութեան պետին համաձայն, Ռուսիա եւ Ատրպէյճան «իրենց համագործակցութիւնը կը զարգացնեն միջազգային արժեչափերուն համապատասխան, համաձայն Ատրպէյճանի եւ Ռուսիոյ օրէնսդրութեան եւ ամբողջովին հաշուի առնելով այն հաւասակշռութիւն որ կարեւոր է պահպանելու շրջանին մէջ կայունութիւնը»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top