Հայ Դատի Հանդիպումը Նահանգային Խորհրդարանի Անդամ Կարսիայի Հետ

0000ANCAWR Garcia

ՄՈՆԹԵՊԵԼԼՕ.- Սան Կապրիյէլ հովիտի Հայ Դատի յանձնախումբի ներկայացուցիչները վերջերս հանդիպում մը ունեցան Քալիֆորնիոյ նահանգային խորհրդարանի անդամ Քրիսթինա Կարսիայի հետ, անոր հետ քննելով ամերիկահայութիւնը յուզող շարք մը հարցեր, ներառեալ՝ Հայոց Ցեղասպանութիւնը ճանչցող թիւ 296 բանաձեւին հաստատումը Ներկայացուցիչներու տան կողմէ, նահանգային ներդրումները Թուրքիայէն ետ քաշելու ջանքերը, նահանգին դասանիւթերուն մէջ ցեղային ուսմանց վերաբերող ծրագիրներուն մէջ ամերիկահայութեան փորձառութիւնը ներառելու եւ 2020ի մարդահամարին պատրաստուելու աշխատանքները։

Սան Կապրիյէլ հովիտի Հայ Դատի յանձնախումբի ատենապետ Վիգէն Բագրատունի կը յայտնէ, թէ Կարսիա շնորհաւորեց 296 բանաձեւին հաստատումը, նոյն ժամանակ յոյս յայտնելով, որ Ծերակոյտը կը հետեւի Ներկայացուցիչներու տան օրինակին։

Քննարկումին ընթացքին կարեւոր նկատուեցաւ յառաջիկայ տարուան մարդահամարին ընթացքին ամերիկահայութեան ճշգրիտ թիւին արձանագրութեան ապահովումը, ինչպէս նաեւ երաշխաւորումը՝ նահանգէն Թուրքիոյ մէջ ներդրումներուն արգիլումը, մինչեւ այն ատեն, որ Անգարա կը շարունակէ հետապնդել Հայոց Ցեղասպանութիւնը ուրանալու քաղաքականութիւնը։

Հայ Դատի ներկայացուցիչները նաեւ ներկայացուցին հայութեան կարեւորագոյն ներդրումները նահանգին պատմութեան մէջ՝ շեշտելով, որ անոնք պէտք է յիշատակուին ցեղային ուսմանց վերաբերող դասանիւթերուն մէջ։ Նշենք, որ Արեւմտեան Ամերիկայի Հայ Դատի յանձնախումբը, ինչպէս նաեւ անոր Ուսումնական յանձնախումբը այս նպատակով դիմումներ յղած են նահանգին Կրթական բաժանմունքին։

Յիշեցնենք, որ Արեւմտեան Ամերիկայի Հայ Դատի յանձնախումբը վերջերս դարձած էր Միացեալ Նահանգներու 2020ի մարդահամարին գործակալութեան պաշտօնական գործընկերներէն մէկը եւ կոչ կ՛ընէ հայութեան, որ մարդահամարին ընթացքին «հայ» գրէ ազգութեան վերաբերաբերող հարցումին դիմաց։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top