Ազգային Ժողովը Ընդունեց Հայաստանի 2020ի Պետական Պիւտճէի Նախագիծը

1207Azkayin

1207Azkayin

ԵՐԵՒԱՆ, «Արմէնփրէս».- Հայաստանի Ազգային ժողովը ընդունեց «Հայաստանի 2020ի պետական պիւտճէ»ի նախագիծը՝ 77 թեր եւ 37 դէմ քուէներով:

Քուէարկութենէն ետք արդիւնքները արձանագրող լուսատախտակը ցոյց տուաւ 69 թեր ձայն, սակայն Ազգային ժողովի նախագահ Արարատ Միրզոյեան յայտնեց, որ պիւտճէի նախագիծին թեր քուէարկելու մասին յայտնած են գործուղման մէջ գտնուող պատգամաւորներ Գայեանէ Աբրահամեան, Մարիա Կարապետեան, Ռուբէն Ռուբինեան, Արման Եղոյեան, Աննա Կարապետեան, Յովհաննէս Յովհաննիսեան, Մխիթար Հայրապետեան, Վլադիմիր Վարդանեան. անոնց ձայները եւս գումարուեցան թեր քուէարկած պատգամաւորներուն ձայներուն:

Հայաստանի Ազգային ժողովի «Լուսաւոր Հայաստան» եւ «Բարգաւաճ Հայաստան» խմբակցութիւնները յայտարարեցին, որ դէմ պիտի քուէարկեն պիւտճէի նախագիծին:

5 եւ 6 Դեկտեմբերին, խորհրդարանին մէջ տեղի ունեցած քննարկման ներկայ էին նաեւ Հայաստանի վարչապետ Նիկոլ Փաշինեան եւ կառավարութեան անդամները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top