Հելսինկեան Կոմիտէն՝ ՀԵՄի Հաւաքին Մասին

1207Helsing

1207Helsing

ԵՐԵՒԱՆ, «Երկիր».- Հայաստանի Հելսինկեան կոմիտէն յայտարարութիւն հրապարակեց 3 Դեկտեմբերին Հայաստանի կրթութեան, գիտութեան, մշակոյթի եւ մարմնակրթութեան նախարարութեան առջեւ ՀՅԴ Հայաստանի Երիտասարդական Միութեան կողմէ կազմակերպուած  հաւաքին վերաբերեալ։

«Հաւաքի ընթացքում Հայաստանի Հելսինկեան կոմիտէի կողմից կատարուած դիտորդութեան ընթացքում արձանագրուել են մասնակիցների՝ հաւաքների ազատութեան իրաւունքի նկատմամբ ոչ-համաչափ միջամտութիւններ։ Մասնակիցների կողմից Վ. Սարգսեան փողոցի երթեւեկելի հատուածում նստացոյցը սկսելուց գրեթէ անմիջապէս յետոյ ոստիկանութեան ներկայացուցիչը մասնակիցներից պահանջել է հեռանալ փողոցից։

«Թէեւ պահանջը միայն փողոցի երթեւեկելի հատուածն ազատելն էր, հաւաքի մասնակիցների կողմից պահանջը չկատարելուց յետոյ ոստիկանութիւնը նստացոյցի մասնակիցներից մօտ երկու տասնեակի բերման ենթարկեց։ Ոստիկանութեան կողմից մասնակիցներին բերման ենթարկելու ընթացքում (ժամը 16։30-17։30ի սահմաններում) առանձին դէպքերում ոստիկանութեան կողմից կիրառուել է կոպիտ, անհամաչափ ոյժ։

«Գտնում ենք, որ նշուած գործողութիւնը վարչարարութեան տեսակէտից անհրաժեշտ չէր, քանի որ այլ եղանակով ոստիկանութիւնը կարող էր հասնել իր առջեւ դրուած նպատակին՝ փողոցի երթեւեկութիւնը վերականգնելուն։ Հաւաքի վայրում ոստիկանութեան ներկայ ուժերը (ըստ դիտարկման՝ աւելի քան 200, տարբեր ստորաբաժանումներից, ներառեալ՝ յատուկ գումարտակից) բաւարար էին այլ եղանակով մասնակիցներին երթեւեկելի հատուածից հեռացնելու եւ վերջիններիս կողմից փողոցը կրկին փակելը թոյլ չտալու համար (օրինակ՝ մայթեզրի երկայնքով շղթայ կազմելով, ինչը արդիւնքում արեցին ոստիկանութեան ծառայողները)։ Հաշուի առնելով, որ նստացոյց իրականացնող մասնակիցների մօտ կէսը բերման են ենթարկուել, ոստիկանութեան գործողութիւնները յանգեցրել են հաւաքի փաստացի դադարեցման», նշուած է յայտարարութեան մէջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top