Լիպիոյ Խորհրդարանը Կը Քննադատէ Թրքական Միջամտութիւնը

1214libya

 

1214libya

ԹՐԻՓՈԼԻ, «Ռոյթըրզ».- Լիպիոյ խորհրդարանի Արտաքին յարաբերութիւններու յանձնախումբի նախագահ Եուսեֆ Աքուրի քննադատեց Թուրքիոյ այն յայտարարութիւնը, ըստ որուն, Թուրքիա պատրաստ է Լիպիա զօրք ուղարկելու, եթէ երկրին ազգային համաձայնութեան կառավարութիւնը այդ առաջարկը կատարէ:

Աքուրի նշեց, որ Լիպիոյ խորհրդարանը ՄԱԿի Ապահովութեան խորհուրդի արտակարգ նիստ պիտի պահանջէ՝ քննարկելու համար Լիպիոյ մէջ թրքական միջամտութիւնը:

«Կը մերժենք այս սպառնալիքը եւ զայն կը նկատենք թրքական կառավարութեան կողմէ գերիշխան պետութեան մը մէջ բացայայտ միջամտութեան շարունակութիւնը եւ ոչ սահմանադրական իշխանութեան մը պատկանող զինեալ խմբաւորումներու յստակ աջակցութիւն մը, ինչպէս նաեւ Ապահովութեան խորհուրդի որոշումներու խախտում»:

Իր կարգին, թրքական դիւանագիտական աղբիւր մը յայտնեց, որ իր երկիրը Լիպիոյ հետ ծովային գօտիներու սահմանագծման յուշագիրը վաւերացման համար յղած է ՄԱԿին՝ հակառակ զայն միջազգային օրէնքի ոտնահարում նկատող Յունաստանի եւ այլ կողմերու առարկութիւններուն:

Յիշեցնենք, որ Թուրքիոյ նախագահի բանբեր Իպրահիմ Քալըն յայտարարած էր, որ իր երկիրը պատրաստ է Լիպիա զօրք ուղարկելու, եթէ Լիպիոյ ազգային համաձայնութեան կառավարութիւնը այդ առաջարկը ներկայացնէ: Թուրքիոյ նախագահ Ռեչեփ Թայիփ Էրտողան եւս յայտնած էր, որ իր երկիրը պատրաստ է պաշտպանութեան մարզին մէջ Ֆայեզ Սարաճի գլխաւորած ազգային համաձայնութեան կառավարութեան աջակցելու, «եթէ կառավարութիւնը Թուրքիայէն խնդրէ»:

Մինչ այդ, Սարաճի ընդդիմացող Լիպիոյ ազգային բանակի հրամանատար Խալիֆ Հաֆթար, որուն իշխանութեան տակ կը գտնուի արեւելեան Լիպիան, յայտարարած էր, որ հրահանգ ունի շրջանի խորհրդարանէն՝ ոչնչացնելու այն թրքական նաւերը, որոնք կը մօտենան Լիպիոյ ափերուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top