Նոր Տարուան Եւ Ս. Ծննդեան Համերգ-Տօնախմբութիւններ՝ Թեմի Եկեղեցիներուն Մէջ  

0000Glendale-Hamerk

 

0000Glendale-Hamerk

ԿԼԵՆՏԷՅԼ, ՓԱՍԱՏԻՆԱ.- Քանի մը շաբաթէն պիտի դիմաւորենք 2020ը՝ Նոր Տարին եւ պիտի տօնախմբենք Յիսուս Քրիստոսի Ս. Ծննդեան եւ Աստուածայայտնութեան տօնը, մինչ տօնական օրերու խայտանքով եւ ուրախութեամբ կը լեցուին Ազգային առաջնորդարանը եւ յարակից ծուխերը։

Չորեքշաբթի, 18 Դեկտեմբերին, երեկոյեան ժամը 7ին, Կլենտէյլի Ս. Աստուածածին եկեղեցւոյ յարկին տակ տեղի պիտի ունենայ տօնական երեկոյ մը, հովանաւորութեամբ եւ ներկայութեամբ առաջնորդ Մուշեղ արք. Մարտիրոսեանի։

Առաջնորդական փոխանորդ Թորգոմ եպս. Տօնոյեան պիտի կատարէ Աստուածաշունչի սերտողութիւն, որմէ ետք Համազգայինի Կլենտէյլի մասնաճիւղի «Արփա» երգչախումբը, խմբավարութեամբ Էլիպս Մասեհեանի՝ պիտի ներկայացնէ տօնական համերգ մը։ Աւարտին, առաջնորդ սրբազանը պիտի փոխանցէ իր օրհնութեան խօսքը։ Այնուհետեւ, եկեղեցւոյ շրջափակին մէջ տեղի պիտի ունենայ տօնածառի լուսաւորում, ապա հիւրասիրութիւն՝ «Արմենակ Տէր Պետրոսեան» սրահին մէջ։

Իսկ Ուրբաթ, Դեկտեմբեր 20ին, երեկոյեան ժամը 7:30ին, Փասատինայի Ս. Սարգիս եկեղեցւոյ մէջ տեղի պիտի ունենայ Ս. Ծննդեան տօնին նուիրուած տարեկան երրորդ հոգեւոր համերգը, հովանաւորութեամբ եւ ներկայութեամբ առաջնորդ սրբազան հօր։ Դպրապետ Երուանդ սրկ. Քէշիշեանի խմբավարութեամբ ելոյթ պիտի ունենայ եկեղեցւոյ դպրաց դասի երգչախումբը, որ պիտի ներկայացնէ Ս. Ծննդեան շարականներ եւ երգեր։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top