Դոկտ. Արի Շեքերեան Կը Նշանակուի Ֆրեզնոյի Հայագիտականի Այցելու Դասախօս

0000Ari Sekeryan

0000Ari SekeryanՖՐԵԶՆՕ.- Հենրի Գազանճեան-Գազան հիմնարկին հաստատած հիմնադրամին շնորհիւ, Քալիֆորնիոյ նահանգային համալսարանի Ֆրեզնոյի մասնաճիւղին մէջ գործող Հայագիտական ծրագիրը հիւր դասախօսներ կը հրաւիրէ, իւրայատուկ դասանիւթներու հետեւելու առիթը ընծայելով համալսարանի ուսանողներուն:

2019-2020 համալսարանական տարեշրջանի գարնանային կիսամեակին, Հենրի Ք. Գազանճեան հիմնարկին այցելու դասախօսը պիտի ըլլայ դոկտ. Արի Շեքերեան, որ ուսումնասիրած է յատկապէս Օսմանեան կայսրութեան հայերուն վիճակը Համաշխարհային Ա. պատերազմէն անմիջապէս ետք (1918-1923)։

Դոկտ. Արի Շեքերեան դոկտորի կոչումը ստացած է «Օքսֆըրտ» համալսարանի Արեւելեան ուսմանց բաժանմունքին մէջ, ուր նաեւ եղած է ուսումնասիրողի օգնական եւ դասաւանդած է Ուիսքանսընի եւ Երեւանի պետական համալսարաններուն մէջ։ Ան ներկայիս կ՛աշխատի իր աւարտաճառին հիմքով հատորի մը վրայ՝ «Վերապրումի Չպատմուած Պատմութիւն Մը» խորագիրով։

Ֆրեզնօ իր կեցութեան ընթացքին, դոկտ. Շեքերեան նաեւ պիտի տայ հանրային երեք դասախօսութիւններ, որոնցմէ առաջինը տեղի պիտի ունենայ 7 Փետրուարին։

Հայագիտականին մասին յաւելեալ տեղեկութեանց համար՝ դիմել (559) 278-2669 թիւին կամ այցելել www.fresnostate.edu/armenianstudies կայքէջը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top