Արցախի Նախագահը Ծանօթացաւ Թալիշի Վերականգնման Աշխատանքներուն

1214Talish

1214TalishՍՏԵՓԱՆԱԿԵՐՏ, «Ապառաժ».- Արցախի Հանրապետութեան նախագահ Բակօ Սահակեան 13 Դեկտեմբերին այցելեց Մարտակերտի շրջանի Թալիշ գիւղը եւ աշխատանքային խորհրդակցութիւն ունեցաւ գիւղին մէջ իրականացուող աշխատանքներուն վերաբերեալ:

Երկրին ղեկավարը համապատասխան ցուցմունքներ եւ յանձնարարականներ տուաւ շահագրգիռ մարմիններու ղեկավարներուն՝ աշխատանքներու պատշաճ իրականացման ուղղութեամբ:

Նոյն օրը, Բակօ Սահակեան այցելեց Մեծ Շէն գիւղը, ուր ծանօթացաւ համայնքին մէջ կատարուող ճանապարհաշինարարական աշխատանքներուն ընթացքին:

Մարտակերտի շրջանը այցելութեան ընթացքին նախագահը այցելեց նաեւ Թալիշ, Մեծ Շէն եւ Մատաղիս գիւղերու դպրոցներ, հանդիպում ունեցաւ ուսուցչական կազմերուն ու աշակերտներուն հետ: Քննարկուեցան դպրոցներու եւ միջնակարգ կրթութեան վերաբերող հարցեր:

Այնուհետեւ նախագահը այցելեց հանրապետութեան հիւսիս-արեւելեան շրջանին մէջ տեղակայուած պաշտպանութեան բանակի զօրամասերէն մէկուն նոր զօրանոցը եւ ծանօթացաւ զինուորներուն համար ստեղծուած ընկերային-կենցաղային պայմաններուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top