Արցախի Հանրապետութեան Քաղաքական Ղեկավարութիւնը Տեսակցեցաւ Անճէյ Քասփըրչիքի Հետ

1214Pago

1214Pago

ՍՏԵՓԱՆԱԿԵՐՏ, «Արցախփրէս».- Արցախի Հանրապետութեան նախագահ Բակօ Սահակեան եւ արտաքին գործոց նախարար Մասիս Մայիլեան 13 Դեկտեմբերին հանդիպում ունեցան ԵԱՀԿի գործող նախագահի անձնական ներկայացուցիչ Անճէյ Քասփըրչիքի հետ:

Արցախի նախագահին հետ հանդիպումին քննարկուեցան Արցախի եւ Ատրպէյճանի զինուած ուժերու շփման գիծին վրայ տիրող իրավիճակին վերաբերող հարցեր:

Մասիս Մայիլեանի հետ հանդիպման ընթացքին քննարկուեցան Արցախի Հանրապետութեան եւ Ատրպէյճանի զինուած ուժերու շփման գիծին վրայ տիրող իրավիճակը։ Այս պարունակին մէջ Մասիս Մայիլեան անդրադարձաւ 29 Նոյեմբերին Ատրպէյճանի կողմէ զինադադարի դրութեան կոպիտ խախտման դէպքին, որուն իբրեւ արդիւնք ծանրօրէն վիրաւորուած է պաշտպանութեան բանակի զինուոր Ռաֆայէլ Ազիզեան: Արտաքին գործոց նախարարը ընդգծեց, որ նման միջադէպեր անգամ մը եւս կը փաստեն, որ անհրաժեշտ է կեանքի կոչել զինադադարի դրութեան միջազգային վերահսկման կառուցակազմերու ներդրման ուղղութեամբ ստանձնած պարտաւորութիւնները։

Զրուցակիցները նաեւ քննարկեցին 17էն 21 Նոյեմբերին, ԵԱՀԿի գործող նախագահի անձնական ներկայացուցիչի գրասենեակին միջնորդութեամբ կազմակերպուած Արցախի Հանրապետութենէն, Հայաստանի Հանրապետութենէն եւ Ատրպէյճանէն լրագրողներու փոխայցելութիւններուն արդիւնքները։

Մասիս Մայիլեան կարեւոր նկատեց այն հանգամանքը, որ նման նախաձեռնութիւններ պէտք չէ ինքնանպատակ բնոյթ կրեն, այլ՝ առաւելագոյնս նպաստեն կողմերուն միջեւ վստահութեան մթնոլորտի ձեւաւորման, ինչ որ առանցքային նշանակութիւն ունի խաղաղ կարգաւորման գործընթացի յառաջմղման համար։ Այս առումով արտաքին գործոց նախարարը դիտել տուաւ, որ վերջին շրջանին ատրպէյճանական կողմի գործողութիւնները, յատկապէս 3 Դեկտեմբերին Ատրպէյճանի կողմէ ԵԱՀԿի մէջ տարածուած յուշագիրը, կը հակասեն վստահութեան մթնոլորտի ստեղծման վերաբերող նախաձեռնութիւններու տրամաբանութեան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top