ԵԱՀԿի Դիտարկումը՝ Արցախի Եւ Ատրպէյճանի Շփման Գիծին Վրայ

0117Tidargoum

0117Tidargoum16 Յունուարին, Արցախի Հանրապետութեան իշխանութիւններուն հետ ձեռք բերուած պայմանաւորուածութեան համաձայն, ԵԱՀԿի առաքելութիւնը զինադադարի դրութեան դիտարկում կատարեց Արցախի եւ Ատրպէյճանի սահմանին՝ Ակնայէն դէպի հիւսիս-արեւելք երկարող հատուածին մէջ։

Արցախի Հանրապետութեան պաշտպանութեան բանակի դիրքերէն դիտարկում կատարեցին ԵԱՀԿի գործող նախագահի անձնական ներկայացուցիչի (ԳՆԱՆ) դաշտային օգնականներ Կենատիէ Փեթրիքա եւ Միխայէլ Օլարուն (Մոլտովա)։

Շփման գիծի հակառակ կողմէն դիտարկումը կատարեցին ԵԱՀԿի գործող նախագահի անձնական ներկայացուցիչ Անճէյ Քասփրչիք, անոր անձնական օգնական Սայմըն Թիլըր (Բրիտանիա) եւ ԳՆԱՆ գրասենեակի աշխատակից Մարթին Շուսթեր (Գերմանիա):

Դիտարկումը կատարուեցաւ ըստ նախատեսուած ժամանակացոյցին, սակայն ատրպէյճանական կողմը ԵԱՀԿ առաքելութիւնը դուրս չէ բերած իր յառաջապահ դիրքերը։

Դիտարկման առաքելութեան արցախեան կողմէն ընկերակցեցան Արցախի Հանրապետութեան արտաքին գործոց նախարարութեան եւ պաշտպանութեան նախարարութեան ներկայացուցիչները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top