Եգիպտոսի Մէջ Ձերբակալուեցան Թրքական «Անատոլու» Գործակալութեան Աշխատակիցներ

0117Anadolou Egypt

0117Anadolou Egypt

ԵՐԵՒԱՆ, «Էրմենիհապեր».- Եգիպտոսի ոստիկանութիւնը 15 Յունուարին ձերբակալեց Գահիրէի մէջ գտնուող թրքական «Անատոլու» լրատու գործակալութեան գրասենեակի 4 աշխատակիցներ:

Ձերբակալուածներէն մէկը Թուրքիոյ քաղաքացի է:

Ոստիկանութիւնը ձերբակալութենէն առաջ խուզարկած էր գրասենեակը եւ գրաւած էր աշխատակիցներուն հեռաձայնները եւ համակարգիչները:

Ձերբակալութեան եւ խուզարկութեան պատճառը յայտնի չէ. այս մասին Եգիպտոսի պատկան մարմինները տակաւին որեւէ յայտարարութիւն չեն կատարած, սակայն տեղի ունեցածին վերաբերեալ յայտարարութիւն տարածած է Թուրքիոյ արտաքին գործոց նախարարութիւնը՝ դատապարտելով Եգիպտոսի ոստիկանութեան գործողութիւնները:

16 Յունուարին, այդ բողոքը փոխանցուեցաւ Թուրքիա գտնուող Եգիպտոսի գործերու ժամանակաւոր հաւատարմատարին, որ կանչուեցաւ արտաքին գործոց նախարարութիւն։

Յիշեցնենք, որ 2013էն ի վեր Թուրքիոյ եւ Եգիպտոսի միջեւ դիւանագիտական յարաբերութիւնները կը շարունակեն գործել ժամանակաւոր հաւատարմատարի մակարդակով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top