«Հըզպալլա»ն Լիբանանի Մէջ Քաոսային Վիճակի Մը Ստեղծման Առաջքը Առնելու Կոչ Կ՛ընէ

0118Beirut

0118Beirut

ՊԷՅՐՈՒԹ, «Էյ.Փի.».- «Հըզպալլա»ի բարձրաստիճան ղեկավարներէն շէյխ Ալի Տաամուշ Ուրբաթ, 17 Յունուարին կոչ ըրաւ Լիբանանի քաղաքական կուսակցութիւններուն եւ ղեկավարներուն, որ աւելիով չձգձգեն կառավարութեան կազմութիւնը, առաջքը առնելու համար քաոսային վիճակի մը եւ «ամբողջական քանդում»ին։

Ան այս յայտարարութիւնը կատարեց, երբ նոյն օրը ակնկալուող 18 հոգինոց կառավարութեան մը կազմութեան համաձայնութիւն չգոյացաւ որոշ քաղաքական ուժերու մերժողական կեցուածքին իբրեւ արդիւնք։

Մինչ վարչապետ նշանակուած Հասսան Տիապ կառավարութեան կազմութեան ճիգերը կը շարունակէ, ժողովրդային շարժումը իր քայլերը կը շարունակէ՝ հիմնականօրէն դրամատուներուն դէմ կեդրոնացնելով իր արշաւը եւ շարունակելով փակել շարք մը պողոտաներ:

Ցուցարարները Հինգշաբթի երեկոյեան նաեւ ցոյց-քայլարշաւ մը կատարեցին դէպի ներքին գործոց նախարարութիւն՝ բողոքելու համար ցուցարարներուն դէմ ապահովութեան ուժերուն բանեցուցած անհամաչափ քայլերուն դէմ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Վռամ said:

    Զաւեշտի գագաթնակէտն է սա: Նո՛յն «Հըզպալլա»ն մաս կը կազմէ կառավարութեան կազմութիւնը ձգձգողներու խումբին, բայց իրաւունք կը վերապահէ այլ կուսակցութիւններու կոչ ընել որ չձգձգեն կառավարութեան կազմութիւնը…: Լիբանան, Լիբանա՜ն:

*

Top