Ատրպէյճանցիներ Կը Պահանջեն Քանդել Վրաստանի, Ուքրանիոյ Եւ Ռուսիոյ Մէջ Բռնապետ Հայտար Ալիեւի Արձանները

0117Azerbaijanies

0117Azerbaijanies

ՊԵՐԼԻՆ.- Գերմանիոյ մէջ, «Եւրոպական ժողովրդավար Ատրպէյճան» կազմակերպութեան անդամները բողոքի ցոյց կատարեցին Վրաստանի, Ուքրանիոյ եւ Ռուսիոյ դեսպանատուներուն առջեւ, կը հաղորդէ «Մէյտան» պատկերասփիւռի կայանը:

Ցուցարարները նշեալ երկիրներէն պահանջեցին քանդել իրենց երկիրներուն մէջ գտնուող՝ «Ատրպէյճանի մէջ բռնապետութեան եւ ընտանեկան իշխանութեան հիմնադիր» Հայտար Ալիեւի արձանները: Անոնք այս մասին իրենց գրաւոր պահանջները յանձնեցին երեք երկիրներու դեսպանատուներու ներկայացուցիչներուն:

Ցուցարարները բարձրացուցած էին պաստառներ, որոնց վրայ կային Ատրպէյճանի մէջ ձերբակալուած ընդդիմադիր գործիչներու լուսանկարները:

Ցոյցին կազմակերպիչներէն մէկը խօսեցաւ Հայտար Ալիեւի կողմէ ժողովրդավարական արժէքներուն հասցուած վնասներուն մասին, իսկ այլ կազմակերպիչ մը Ուքրանիան դատապարտեց այլախոհ ատրպէյճանցի գործիչ Էլվին Իսայեւը Պաքուին յանձնելուն մէջ: Ցուցարարները յիշեցին նաեւ լրագրող Աֆղան Մուխթարլըի պարագան։ Ան առեւանգուած էր Վրաստանի մէջ եւ տեղափոխուած Ատրպէյճան, ուր բանտարկուած կը մնայ:

Ցուցարարները նշեցին, որ Ուքրանիա եւ Վրաստան, որոնք կ՛ուզեն Եւրոպական Միութեան անդամակցիլ, «արժանի չեն այդպիսի պատիւի, որովհետեւ կ՛օգնեն Ատրպէյճանի բռնապետական վարչակարգին»: Անոնք նաեւ Ատրպէյճանի բոլոր քաղաքական բանտարկեալները ազատ արձակելու կոչ ըրին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top