Եզակի Արուեստի Ցուցահանդէս Պոլսահայ Միութեան Կեդրոնին Մէջ

0000Mariette3

ՏՈՔԹ. ՅՈՎՀԱՆՆԷՍ

ԳՈՒԼԱԿ ԱՒԵՏԻՔԵԱՆ

 

Կիրակի, 15 Դեկտեմբերին, կազմակերպութեամբ Պոլսահայ միութեան Մշակութային յանձնախումբին տեղի ունեցաւ եզակի արուեստի ցուցահանդէս մը՝ միութեան «Հրանդ Տինք» դասախօսական սրահին մէջ, ուր ներկայ էին կոկիկ թիւով արուեստի սիրահարներ, համակիրներ եւ հիւրեր:

Միութեան քարտուղարուհի Մարիէթ Մ. Օհանէս պատրաստած էր իւրօրինակ արուեստի կտորներ՝ բաժակներու, մոմերու, ապակեղէնի, օճառներու եւ այլ իրերու վրայ, ուր կային հայոց պատմութիւնը, թագաւորները, թագուհիները, հայ մտաւորականները, վանքերը, եկեղեցական սպասները, հայ երաժշտահանները եւ ուրիշներ. իւրաքանչիւր կտոր կը բուրէր հայկականութիւն:

Ձեռնարկին բացման խօսքը արտասանեց միութեան հոգաբարձու եւ Մշակութային յանձնախումբի ատենապետ տոքթ. Յովհաննէս Գուլակ Աւետիքեան, որ դրուատեց Մարիէթ Օհանէսի տաղանդը եւ անոր արուեստի տարբեր ոճը, ապա ընթերցեց անոր հակիրճ կենսագրականը եւ բացատրութիւն տուաւ «Աղքատ մարդուն արուեստը» կոչուող արուեստին մասին:

Տոքթ. Աւետիքեան իր խօսքի աւարտին հրաւիրեց Մարիէթի կողակիցը՝ Պետրոս Օհանէսը, որ անգլերէնով բացատրութիւն տուաւ արուեստի ծագման մասին:

Ապա խօսք առաւ Մարիէթը, շնորհակալութիւն յայտնելով ներկաներուն եւ բոլոր նեցուկ կանգնողներուն: «Ես բաւարար բառեր չունիմ շնորհակալութիւն յայտնելու Պոլսահայ միութեան՝ այն առիթին համար, որ ինծի ընծայեց», ըսաւ Մարիէթը՝ աւելցնելով. «Rosevart հաւաքածոս արուեստիս առաջին մեծ իրադարձութիւնն է։ Անկեղծօրէն պատրաստ չէի այն տաքուկ ընդունելութեանը, որ ստացաւ իմ արուեստը»:

Ձեռնարկին աւարտին արուեստագիտուհին ծաղկեփունջեր ստացաւ, նաեւ յուշատախտակ մը՝ Մշակութային յանձնախումբին կողմէ, առ ի գնահատանք իր եզակի արուեստի գործերուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top