Հայ Դատը Կը Շեշտէ 2020ի Մարդահամարին Ընթացքին Ամերիկահայութեան Ճշգրիտ Թիւը Արձանագրելու Կարեւորութիւնը

0123Hye count

0123Hye count

ԿԼԵՆՏԷՅԼ.- Արեւմտեան Ամերիկայի Հայ Դատի յանձնախումբը, իբրեւ պաշտօնական գործակիցը Միացեալ Նահանգներու 2020ի մարդահամարի գրասենեակին՝ կը ջանայ ամերիկահայութեան ճշգրիտ թիւը արձանագրել տալ դաշնակցային իշխանութիւններուն մօտ, որպէսզի հայութիւնը իր արդար բաժինը ստանայ պետական սպասարկութիւններէն եւ ծրագիրներէն։

Այս նպատակով, Հայ Դատի յանձնախումբը կը շեշտէ, թէ Մարտի կիսուն ղրկուելիք մարդահամարի հարցարաններուն մէջ կենսական է, որ ամերիկահայերը իրենց ազգային ծագումը յստակօրէն նշեն իբրեւ հայ՝ «Armenian» գրելով հարցարանին 9րդ հարցումին վրայ:

Մարդահամարին մասին յաւելեալ տեղեկութեանց համար՝ այցելել hyecount.org կայքը, դիմել info@hyecount.org հասցէին կամ (818) 791-5515 թիւին։

 

ՄԱՐԴԱՀԱՄԱՐԻՆ ԿԱՐԵՒՈՐՈՒԹԻՒՆԸ

 

Միացեալ Նահանգներու դաշնակցային իշխանութիւնները տարեկան մօտաւորապէս 700 միլիառ տոլարի պետական ծրագիրներու յատկացումներ կը կատարէ, նկատի ունենանլով տասը տարին անգամ մը տեղի ունեցող մարդահամարին տուեալները։

Ամերիկայի Հայ Դատի յանձնախումբը համոզուած է, որ երկրին հայութեան ճշգրիտ թիւը չ՛արտացոլար մարդահամարին մէջ։ Մինչ կը կարծուի, որ երկրին տարածքին կ՛ապրին 1.5 միլիոն հայեր, իսկ Քալիֆորնիոյ մէջ՝ մօտաւորապէս մէկ միլիոն, պետական մարդահամարին տուեալներով, այդ թիւերը միայն 500,000 եւ 250,000 են յաջորդաբար։

Այս պատճառով, հայութիւնը իրեն թիւին համեմատ օժանդակութիւն չի կրնար ստանալ, կորսնցնելով տասնեակ միլիոն տոլարներ, որոնք այլապէս կրնային հայութեան հասնեիլ ընկերային, առողջապահական եւ կրթական զանազան ծրագիրներու միջոցաւ։

Մարդահամարով նաեւ կը սահմանուի Ներկայացուցիչներու տան մէջ իւրաքանչիւր նահանգի քոնկրեսականներուն թիւը եւ հայութեան ճշգրիտ թիւին արձանագրումը աւելի ազդու պիտի դարձնէ հայութեան քաղաքական ձայնը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top