Ծերակուտական Փորթանթինօ Նեցուկ Կը Կանգնի Քասախեանի Ընտրապայքարին

0123Ardy

 

0123Ardy

Արտի Քասախեան

ԿԼԵՆՏԷՅԼ.- Քալիֆորնիոյ նահանգային Ծերակոյտի անդամ Էնթընի Փորթանթինօ յայտարարեց, թէ որոշած է զօրակցիլ Կլենտէյլի քաղաքապետական խորհուրդի ընտրութեանց իր թեկնածութիւնը դրած Կլենտէյլ քաղաքի քարտուղար Արտի Քասախեանի ընտրապայքարին։

0123Portantino

Էնթընի Փորթանթինօ

Ներկայիս Քալիֆորնիոյ նահանգային Ծերակոյտի 25րդ ընտրատարածքը ներկայացնող Փորթանթինօ եղած է նաեւ նահանգային խորհրդարանի անդամ եւ Լա Քընիատա Ֆլինթրիճի քաղաքապետ։

«Աւելի քան 20 տարիներէ ի վեր ծանօթ եմ Արտի Քասախեանին եւ լաւապէս տպաւորուած եմ տեղական կառավարման հարցերուն իր ծանօթութեամբ եւ համայնքին լաւապէս սպասարկելու իր տեսլականով», յայտնեց Փորթանթինօ։

«Ինծի համար մեծ պատիւ է ծերակուտական Փորթանթինոյի ցուցաբերած վստահութիւնը։ Կը յուսամ համայնքը յուզող հարցերը Սաքրամենթօ հասցնելու ջանքերուն մէջ շարունակել իր հետ գործակցութիւնս», յայտնեց Քասախեան:

Փորթանթինօ արդէն իսկ գործակցած է Քասախեանի հետ, ընդհանուր ընտրութեան ընթացքին տեղական ընտրութիւնները աւելի ուշագրաւ դարձնելու նպատակով մշակուած թիւ 25 բանաձեւին յաջողութիւնը ապահովելու համար։

Նշենք, որ Կլենտէյլի քաղաքապետական խորհուրդին ընտրութիւնները տեղի պիտի ունենան 3 Մարտին։ Արտի Քասախեանի ընտրապայքարին մասին յաւելեալ տեղեկութեանց համար՝ այցելել

https://ardykassakhian.com կայքը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top