Փորթանթինօ Կը Զօրակցի Նայիրի Նահապետեանի Ընտրապայքարին

0123Nayiri_Nahabedian
0123Nayiri_Nahabedian

Նայիրի Նահապետեան

ԿԼԵՆՏԷՅԼ.- Քալիֆորնիոյ նահանգային Ծերակոյտի անդամ Էնթընի Փորթանթինօ Երեքշաբթի, 21 Յունուարին յայտարարեց, թէ Կլենտէյլի միացեալ կրթաշրջանի վարչութեան ընտրութեանց ընթացքին նեցուկ կը կանգնի ներկայիս այդ մարմինին մաս կազմող Նայիրի Նահապետեանին։

«Նայիրին իր պաշտօնավարութեան ընթացքին որակեալ սպասարկութիւններ մատուցած է կրթաշրջանի աշակերտներուն, եւ ես ուրախութեամբ նեցուկ կը կանգնիմ անոր վերընտրութեան պայքարին», աւելցուց ծերակուտական Փորթանթինօ։

Իր կարգին, Նահապետեան շնորհակալութիւն յայտնեց Փորթանթինոյին՝ իր ցուցաբերած զօրակցութեան համա0123Portantinoր։

Յիշեցնենք, որ Կլենտէյլի Ուսուցիչներու միութիւնը, Կլենտէյլի Հայ Դատի յանձնախումբը եւ Լոս Անճելըսի Դեմոկրատ կուսակցութիւնը եւս իրենց զօրակցութիւնը յայտնած են Նայիրի Նահապետեանին, որ յատկանշական բարեկարգումներ կրցած է կատարել Կլենտէյլի միացեալ կրթաշրջանին մէջ։ Ան ջատագոված է յատկապէս բաւարար թիւով ուսուցիչներ ապահովելու եւ աշակերտներուն ընկերային կենսական ծառայութիւններ տրամադրելու ջանքերը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top