Բժիշկները Խորհուրդներ Են Տալիս, Բայց Պատասխանատուն Հիւանդն Է

0000TATEVOSIAN

 

0000TATEVOSIAN

Գիտենք, որ խորհուրդ հարցնելու համար պէտք է դիմել բժշկին: Մենք նրանց հարցնում ենք՝ ի՞նչ անել այս կամ այն ցաւի դէպքում, ի՞նչ դեղ խմել, ինչպէ՞ս սնուել: Բժիշկները՝ հիմնուելով փաստերի վրայ, անում են ախտորոշումներ: Սակայն ամէնից առաջ իւրաքանչիւր մարդ ի՛նքն է պատասխանատու է իր առողջութեան համար:

Մեր մարմինը հզօր կառուցուածք ունի՝ դիմադրողականութեան համակարգ եւ ինքնաբուժման հնարաւորութիւն: Սակայն այդ համակարգի (այսինքն մեր մարմնի հնարաւորութիւնների) հանդէպ սխալ վերաբերմունքի պատճառով առաջանում են հիւանդութիւններ: Մենք գիտենք նաեւ, որ մեր մարմինը կրում է կենսական էներգիա: Եւ մեր կենսակերպը պէտք է մեզ լաւ տրամադրութիւն եւ զգացողութիւններ հաղորդի, որպէսզի հնարաւոր լինի իրացնել անձնական ներուժը, յաղթահարել ստրեսները, արդիւնաւէտ աշխատել: Բժիշկները կարող են միայն խորհուրդ տալ, բայց իրագործելու համար հիւանդի կողմից անհրաժեշտ է ջանք ու հետեւողականութիւն: Երկար են ապրում այն մարդիկ, ովքեր կանխարգելում են հիւանդութիւնները: Դրա համար  անհրաժեշտ է.

– լաւ քնել,

– օրուայ ընթացքում շատ շարժուել,

– ուտել առողջ սնունդ, նախընտրութիւնը տալ մրգերին ու բանջարեղէնին,

– շատ շփուել (մեկուսացումը վնասում է մարմնին ու հոգուն),

– յիշել, թէ կեանքում ինչի՛ համար ենք շնորհակալ։

Բժիշկները խորհուրդ են տալիս ճիշդ սնուել, հետեւել մարմնի քաշին, կատարել ֆիզիկական վարժութիւններ: Ամէնօրեայ ֆիզիկական վարժութիւնները ցուցուած են գրեթէ բոլոր հիւանդութիւնների դէպքում, նախ եւ առաջ հոգեկան:

Հիւանդին ուղղուած բժշկական խորհուրդ է նաեւ՝ հաւատա՛լ սեփական ուժերին եւ կամքին: Աւելի լաւ է ստիպուած լինել պահպանելու սահմանափակումներ եւ խնայել մարմնի ֆիզիկական հնարաւորութիւնները, քան սպասել հիւանդութեանն ու դիմել բժշկին:

Պահպանէ՛ք ձեր առողջութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top