Քանի Մը Տողով

– Միացեալ Նահանգները միջազգային ընտանիքին հետ կ՛աշխատի՝ Վենեզուելայի մէջ իշխանափոխութեան հասնելու համար, յայտնեց Միացեալ Նահանգներու արտաքին գործոց նախարար Մայք Փոմփէօ, քոլոմպիական «Քարաքոլ Թի.Վի.» պատկերասփիւռի կայանին հետ հարցազրոյցի մը ընթացքին:

– Իրանի խորհրդարանի անդամ Ահմետ Համզէ 3 միլիոն տոլար խոստացած է այն անձին, որ կը սպաննէ Միացեալ Նահանգներու նախագահ Տանըլտ Թրամփը՝ շեշտելով, որ կը խօսի Իրանի Քերման նահանգի բնակիչներուն անունով։ Նշենք, որ Քերման նահանգը ծննդավայրն է Միացեալ Նահանգներու կողմէ սպաննուած զօր. Քասեմ Սոլէյմանիի։

– Միացեալ Նահանգներու Քոնկրեսի անդամներէն միայն 14ը Միացեալ Նահանգներէն դուրս ծնած է, 14ն ալ անդամ են Դեմոկրատ կուսակցութեան։

– Յունաստանէն քաղաքական ապաստան խնդրողներու դիմումներուն գործընթացը արագացնելու նպատակով, այդ երկրին արտաքին գործոց նախարարութիւնը կազմած է նման դիմումներու վստահելիութիւնը դասաւորող ցանկեր։ Ըստ անոնց՝ Հայաստանի բնակիչները ընդունելի պատճառ չունին ապաստանեալի իրաւունք խնդրելու, սակայն պարագան նոյնը չէ Թուրքիոյ քաղաքացիներուն, «վերջին տարիներուն Թուրքիոյ մէջ մարդկային իրաւունքներու շարունակուող ոտնահարումներուն հետեւանքով։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top