Չինաստանէն Ծնունդ Առած Նոր Ժահրը Միացեալ Նահանգներ Հասած Է

0123virus

0123virus

ՍԻՅԷԹԸԼ, «Էյ.Փի.».- Չինաստանի Ուհան քաղաքին մէջ վերջին քանի մը շաբաթներուն ընթացքին յայտնաբերուած նոր եւ մինչ այդ անծանօթ ժահրը արդէն մօտաւորապէս 500 հոգի վարակած է եւ խլած՝ առնուազն 17 զոհեր։ Այս ժահրը ծանր թոքատապ կը պատճառէ եւ մանաւանդ տարեցներու մօտ անդարմանելի կրնայ ըլլալ։

Այս նոր ժահրի վարակի դէպքեր նկատուած են նաեւ Թայլենտի, Ճափոնի ու Հարաւային Քորէայի մէջ։ Անիկա 22 Յունուարին առաջին անգամ յայտնաբերուեցաւ նաեւ Միացեալ Նահանգներու մէջ, Չինաստանէն Ուաշինկթըն նահանգը ժամանած ճամբորդի մը միջոցաւ, որ ներկայիս Սիյէթըլի հիւանդանոցներէն մէկուն մէջ կը գտնուի։

Հիւանդութեան հիմնական ախտանշաններն են՝ ջերմութիւն, հազ եւ շնչառութեան դժուարութիւններ: Առողջապահութեան համաշխարհային կազմակերպութիւնը կը պատրաստուի շտապ նիստ մը գումարելու, քննարկելու համար ժահրին տարածումը զսպելու կարելիութիւնները։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top