Իրաքի Ռազմակայանին Վրայ Իրանեան Յարձակումին Ընթացքին Վիրաւորուած Ամերիկացի Զինուորներ Գերմանիոյ Մէջ Կը Դարմանուին

0124Asad

0124Asad

ՈՒԱՇԻՆԿԹԸՆ, «Սի.Էն.Էն.».- Ամերիկեան բանակի կեդրոնական հրամանատարութեան տուեալներուն համաձայն՝ ամերիկացի զինուորներ Իրաքի մէջ «Այն Ասատ» օդուժի ռազմակայանին վրայ իրանեան յարձակումին ընթացքին վիրաւորուելէ ետք, դարմանումի համար փոխադրուած են Գերմանիա:

Յատկանշական է, որ յարձակումէն ետք ամերիկեան կողմը յատարարած էր, որ իրանեան յարձակումները մարդկային վնասներ չէին պատճառած, իսկ Թեհրան յայտնած էր, որ սպաննուած են քանի մը տասնեակ ամերիկացի զինուորներ:

Ամերիկեան բանակի կեդրոնական հրամանատարութեան բանբեր Պիլ Օրիըն 22 Յունուարին յայտնեց. «Դարմանումի շարունակութեամբ յայտնաբերուեցան ծառայութեան մէջ եղող յաւելեալ անդամներ, որոնք հաւանական վէրքերէ կը տառապին: Նկատի ունենալով նշմարուած վէրքերուն բնոյթը, հաւանական է որ ապագային եւս վիրաւորներ յայտնաբերուին», ըսաւ ան:

Ամերիկեան բանակի կեդրոնական հրամանատարութիւնը առաջին անգամ անցեալ Հինգշաբթի օր յայտարարած էր, որ 8 Յունուարին կատարուած իրանեան յարձակումին պատճառով 11 ամերիկացի զինուորներ վիրաւորուած են՝ աւելցնելով, որ անոնցմէ շատերը պայթումներուն պատճառով ուղեղային ցնցում ունեցած են:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top