Իրանի Մէջ Սպաննուած Է «Պասիժ»ի Հրամանատար Մը

0124Abdolhosein-Mojaddami

0124Abdolhosein-Mojaddami

ՏՈՒՊԱՅ, «Ռոյթըրզ».- Իրանի հարաւ-արեւելեան Խուզեստան նահանգին մէջ, 22 Յունուարին սպաննուած է «Պասիժ» ժողովրդային զինեալ խմբաւորումի հրամանատարներէն մէկը: Իրանի պետական լրատու գործակալութիւնը կը հաղորդէ, որ նշեալ հրամանատարը Ապտոլհոսէյն Մոժատտամին է, որ կը տանէր շրջանի Տարխովին քաղաքին մէջ «Պասիժ»ի ղեկավարի պաշտօնը: Ան երկու անյայտ զինեալներու կողմէ գնդակահարուած է իր բնակարանին առջեւ, որմէ ետք քանի մը կասկածելիներ ձերբակալուած են, սակայն ցարդ ոչ մէկ կազմակերպութիւն ստանձնած է ահաբեկումին պատասխանատուութիւնը:

«Պասիժ»ը կամաւորներէ բաղկացած կիսամարտական կազմակերպութիւն մըն է, որուն անդամները կը հսկեն իսլամական օրէնքին եւ կրօնական արժեչափերուն կատարման վրայ:

Անիկա մաս կը կազմէ Իրանի Յեղափոխական պահակագունդի կազմին, որուն նախորդ հրամանատարը՝ Քասեմ Սոլէյմանին ահաբեկուեցաւ ամերիկեան ուժերուն կողմէ։

Ըստ մօտաւոր գնահատականներու՝ «Պասիժ»ի անդամներուն թիւը կը հասնի 3-4 միլիոնի, իսկ անոր անդամները երբեմն կ՛ամբաստանուին մարդկային տարրական իրաւունքներ ոտնակոխելու եւ արտադատական վճիռներ գործադրելու յանցանքներով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top