Հրանդ Տինքի Նահատակութեան 13րդ Տարելիցի Ոգեկոչում

0000Dink Memorial1

 

0000Dink Memorial1

ՄՈՆԹԵՊԵԼԼՕ, ՈՒԻՆԵԹՔԱ.- Նախաձեռնութեամբ Պոլսահայ միութեան հոգաբարձութեան եւ Գործադիր յանձնախումբին, Կիրակի, 19 Յունուարին նշուեցաւ Հրանդ Տինքի նահատակութեան 13րդ տարելիցը:

Յետմիջօրէին, Մոնթեպելլոյի նահատակաց յուշարձանին առջեւ տեղի ունեցաւ ծաղկեպսակի զետեղում, ապա հոգեհանգստեան պաշտօն կատարուեցաւ ի յիշատակ Հրանդ Տինքի, Սարգիս Հացպանեանի, Սեւակ Պալըքճըի եւ փրոֆ. Վահագն Տատրեանի:

Յանուն Արեւմտեան թեմի առաջնորդ Մուշեղ արք. Մարտիրոսեանի, Մոնթեպելլոյի Ս. Խաչ Մայր տաճարի հոգեւոր հովիւ Աշոտ քհնյ. Գամպուրեան մասնակցեցաւ արարողութեան:

Երեկոյեան, միութեան կեդրոնին մէջ տեղի ունեցաւ Տինքի նահատակութեան նուիրուած տարեկան յուշ-երեկոն: Յանուն առաջնորդ սրբազան հօր ներկայ եղաւ Էնսինոյի Ս. Նահատակաց եկեղեցւոյ հոգեւոր հովիւ Ռազմիկ Ա. քհնյ. Խաչատուրեան:

Յայտագիրին սկիզբը, ներկայ հոգեւոր հայրերը կատարեցին բացման աղօթքը եւ հոգեհանգիստ՝ Հրանդ Տինքի հոգւոյն համար:

Գլխաւոր բանախօսներն էին՝ «Ակօս» շաբաթերթի հայերէն բաժինի խմբագիր Բագրատ Էսդուգեան, ֆրանսահայ յայտնի իրաւաբան Ռոյ Առաքելեան եւ «Հրանդի Ընկերներ» կազմակերպութեան անդամ Թամար Նալճը:

Միութիւնը այս տարի Հրանդ Տինքի անուան «Հոգիի ազատութեան եւ արդարութեան» շքանշանը շնորհեց Բագրատ Էսդուգեանին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top