Իրան, Ռուսիա Եւ Չինաստան Պիտի Սերտացնեն Ռազմական Գործակցութիւնը

0212Ch-Ir-Rs

 

0212Ch-Ir-Rs

ՄՈՍԿՈՒԱ, ԹԵՀՐԱՆ, «ՌԻԱ Նովոսթի».- Իրան, Ռուսիա եւ Չինաստան մտադիր են սերտացնել ռազմական ոլորտին մէջ իրենց գործակցութիւնը, նաեւ շարունակել ունենալ միացեալ ռազմափորձեր, կը յայտնէ Ռուսիոյ մօտ Իրանի դեսպան Քազեմ Ճալալի:

Յիշեցնենք, որ Դեկտեմբերի վերջաւորութեան, Հնդկաց ովկիանոսի հիւսիսային մասին եւ Օմանի ծոցին մէջ կատարուեցան Իրանի, Ռուսիոյ եւ Չինաստանի ծովուժերուն միացեալ ռազմափորձերը: «Այդ ռազմափորձերուն ուղերձը խաղաղութիւնն է, բարեկամութիւնը եւ կայունութիւնը», Իրանի պետական պատկերասփիւռի կայանին ըսած էր Իրանի ծովուժի հրամանատարի օգնական Ղոլամռեզա Թահանի:

Իր կարգին, դեսպան Ճալալի յայտնեց, թէ միացեալ գործողութիւնները փորձարկումներ են ահաբեկչութեան եւ ծովահէնութեան դէմ պայքարի ծիրին մէջ։

Իրանի արտաքին գործոց նախարար Մոհամետ Ճաւատ Զարիֆ ընդգծեց, որ նման ռազմափորձեր ուղղուած չեն երրորդ երկիրներու դէմ, սակայն Փենթակոնը մտահոգութիւն յայտնեց եռակողմանի այս գործակցութեան նկատմամբ։

Թեհրան յայտնեց, որ երկիրներուն միջեւ «մեծ ռազմափորձերու» սկիզբ կարելի է յայտարարել՝ նշելով. «Իսլամական յեղափոխութեան յաղթանակէն ետք ասիկա առաջին անգամն է, որ Իրան աշխարհի վրայ երկու մեծ ծովուժերուն հետ ռազմափորձեր կատարեց, այդ ալ՝ այս բարձր մակարդակով»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top