ՀՅԴ Հայաստանի Գերագոյն Մարմինի Ներկայացուցիչին Հանդիպումները Մոնթեպելլոյի Համայնքին Հետ

0000Saghatel MNTB1

 

0000Saghatel MNTB1

Պահ մը Ցեղասպանութեան յուշարձան այցելութենէն

ԿԼԵՆՏԷՅԼ.- Արեւմտեան Միացեալ Նահանգներ այցելած ՀՅԴ Հայաստանի Գերագոյն մարմինի ներկայացուցիչ Իշխան Սաղաթէլեան 6 Փետրուարին հանդիպումներ ունեցաւ Մոնթեպելլոյի հայ համայնքի ներկայացուցիչներուն հետ։

Սաղաթէլեան Մոնթեպելլօ ժամանեց ընկերակցութեամբ ՀՅԴ Արեւմտեան Ամերիկայի Կեդրոնական կոմիտէի անդամներ Կարօ Մատէնլեանի, Լեւոն Կիրակոսեանի, Այտա Տիմիճեանի եւ Ստեփան Պոյաճեանի՝ դիմաւորուելով ՀՅԴի Մոնթեպելլոյի «Դրօ» կոմիտէի ատենապետ Վիգէն Բագրատունիի, ինչպէս նաեւ կոմիտէի անդամներ Գօգօ Արթինեանի, Գեւ Իսքէճեանի, Մոնթեպելլոյի Հայ Դատի յանձնախումբէն Աշոտ Մուրատեանի եւ Մոնթեպելլոյի քաղաքապետական խորհուրդի անդամ Ճեք Հաճինեանի։

0000Saghatel MNTB4

Սաղաթէլեան կը խոնարհի Թորլաքեանի շիրիմին առջեւ

ՀՅԴ Հայաստանի Գերագոյն մարմինի ներկայացուցիչը նախ այցելեց Մեսրոպեան Ազգային վարժարանը, ուր հանդիպումներ ունեցաւ տնօրէն Դաւիթ Ղուկասեանի, ուսուցիչներուն, անձնակազմի անդամներուն եւ աշակերտներուն հետ։ Ներկայ էին նաեւ շրջանի ՀՕՄ «Նայիրի» մասնաճիւղէն անդամներ։

Աշակերտներուն հետ հանդիպման ընթացքին, Սաղաթէլեան տեղեկութիւններ փոխանցեց Հայաստանի ներկայ իրադարձութիւններուն եւ Հայաստանի ու Արցախի մէջ կուսակցութեան գործունէութեան մասին, նոյն ժամանակ կոչ ընելով աշակերտներուն, որ նեցուկ կանգնին հայրենիքին։ Ան նաեւ պատասխանեց կարգ մը աշակերտներու հարցումներուն։

Ապա, պատուիրակութեան անդամները այցելեցին «Էվըրկրին» գերեզմանատունը՝ յարգանքի տուրք մատուցելով այնտեղ թաղուած հայ վրիժառու Միսաք Թորլաքեանին, որուն գերեզմանաքարին առջեւ աղօթք մատուցեցին Մոնթեպելլոյի Ս. Խաչ եկեղեցւոյ հոգեւորականները։

0000Saghatel MNTB2

Պահ մը համայնքային հանդիպումէն

 

 

 

 

 

 

Այնտեղէն մեկնելով՝ պատուիրակութիւնը այցելեց Հայոց Ցեղասպանութեան յուշարձանը, ուր Սաղաթէլեան յարգանքի տուրք մատուցեց Ցեղասպանութեան զոհերուն, որմէ ետք ՀՅԴ Արեւմտեան Ամերիկայի Կեդրոնական կոմիտէի անդամ Լեւոն Կիրակոսեան տեղեկութիւններ տուաւ յուշարձանին հաստատման աշխատանքին եւ անոր կարեւորութեան մասին։

Այնուհետեւ, Սաղաթէլեան, ընկերակցութեամբ ՀՅԴ Արեւմտեան Ամերիկայի Կեդրոնական կոմիտէի եւ շրջանի կոմիտէի անդամներուն՝ այցելեց Ս. Խաչ եկեղեցին, խորհրդակցութիւններ ունենալով հոգեւորականներուն եւ եկեղեցւոյ Հոգաբարձութեան հետ ու լուսարձակի տակ առնելով ՀՅԴի կարեւոր դերակատարութիւնը համայնքին կազմակերպման մէջ։

0000Saghatel MNTB3

«Մեսրոպեան»ի աշակերտներուն հետ

Երեկոյեան, Մոնթեպելլոյի Հայ կեդրոնին մէջ, Սաղաթէլեան ներկայ եղաւ ընթրիքի մը՝ հիւրընկալութեամբ ՀՅԴ Մոնթեպելլոյի «Դրօ» կոմիտէին եւ կազմակերպութեամբ՝ ՀՅԴ Արեւմտեան Ամերիկայի Կեդրոնական կոմիտէին։ Սաղաթէլեան ներկայացուց կուսակցութեան քաղաքական գործունէութեան մասին տեղեկութիւններ։

 

0000Saghatel MNTB5

Ս. Խաչ եկեղեցւոյ մէջ

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top