Հոլիվուտի Երիտասարդական Կեդրոնի Կառուցման Տասնամեակի Տօնակատարութիւն

0000Karekin Njteh5

ՓՈՔՐԻԿ ՀԱՅԱՍՏԱՆ.- Կազմակերպութեամբ ՀՅԴ Հոլիվուտի «Գարեգին Նժդեհ» կոմիտէութեան, Ուրբաթ, 7 Փետրուարի երեկոյեան տեղի ունեցաւ Հոլիվուտի Երիտասարդական կեդրոնի շինութեան 10րդ տարեդարձին տօնակատարութիւնը:

Ձեռնարկին ներկայ էին ՀՅԴ Բիւրոյի անդամ Վիգէն Եագուպեան, ՀՅԴ Հայաստանի Գերագոյն մարմինի ներկայացուցիչ Իշխան Սաղաթէլեան, շրջանիս մէջ գործող միութիւններու ներկայացուցիչներ, բարերարներ եւ առաւել քան հարիւր ներկաներ:

Ձեռնարկը վարեց Մակի Սարգունի: Ան իր խօսքին մէջ շեշտեց սոյն կեդրոնին կարեւորութիւնը՝ յիշեցնելով, որ հոն կը գործեն ՀՕՄի «Մայր» մասնաճիւղը, ՀՄԸՄի Լոս Անճելըսի մասնաճիւղը, Հոլիվուտի Հայ Դատի յանձնախումբը, ՀԵԴ «Մուսա Լեռ» ուխտը, ՀԵԴ «Սողոմոն Թեհլիրեան» պատանեկանը, Ռոզ եւ Ալէք Փիլիպոս Ազգային վարժարանը եւ Մարի Փոստոյեան մանկամսուրը:

Շանթ Մանճլիքեան փոխանցեց կոմիտէութեան խօսքը։ «Երկու հիմնական նպատակներ կը հետապնդէ մեր այս ձեռնարկը. առաջին՝ տոգորուիլ եւ առաւել կերպով դրոշմուիլ ՀՅ Դաշնակցութեան ոգիով, իսկ երկրորդ՝ մեր հաւաքական ուխտը վերանորոգել՝ սատար հանդիսանալու մեր ապագայ բոլոր ազգաշէն ծառայութեանց», ըսաւ Մանճլիքեան։

Մարալ Դաւիթեան փոխանցեց դպրոցին խօսքը՝ յիշելով, թէ այս կեդրոնը դարձած է անոր էական մէկ մասնիկը:

Ձեռնարկին ընթացքին գնահատուեցան Ս. Կարապետ Մայր եկեղեցւոյ հոգեւոր հովիւ Վիգէն Ա. քհնյ. Վասիլեան, որ 21 տարիներէ ի վեր կը ծառայէ գաղութին մէջ, ինչպէս նաեւ Ռ. եւ Ա. Փիլիպոս վարժարանի տնօրէնուհի Ալինա Տորեան, որ 10 տարիներու վաստակ ունի:

Նշենք, թէ ձեռնարկին հանգանակուած գումարը պիտի ծառայէ շէնքի վերանորոգութեան աշխատանքներուն:

Ազգային բարերար տէր եւ տիկին Վարանդ եւ Հուրի Մելքոնեաններ նուիրեցին 10,000 տոլար:

Վարձքը կատար բոլոր կազմակերպող ընկերներուն, որոնք անշահախնդիր կերպով կը զօրակցին կոմիտէութեան բոլոր աշխատանքներուն:

Հայ Մշակութային հիմնարկութեան Հոլիվուտի մասնաճիւղը շնորհակալութիւն կը յայտնէ նաեւ սատար հանդիսացող բոլոր ներկաներուն, նուիրատուներուն եւ բարերարներուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top