Ըստ Դաւիթ Բաբայեանի՝ Պաշտօնական Պաքուն Պատրաստ Չէ Որեւէ Կառուցողական Քայլի

0219tavit-papayan

0219tavit-papayan

ՍՏԵՓԱՆԱԿԵՐՏ, «Արցախփրէս».- Արցախի նախագահի աշխատակազմի ղեկավարի տեղակալ Դաւիթ Բաբայեան, խօսելով ղարաբաղեան տագնապի խաղաղ լուծման վերաբերեալ Միւնիխի մէջ տեղի ունեցած Փաշինեան-Ալիեւ բանավէճին մասին, դիտել տուաւ, որ անիկա անգամ մը եւս կ՛ապացուցէ, որ պաշտօնական Պաքուն պատրաստ չէ որեւէ բնականոն, կառուցողական քայլի:

Ան զարմանք յայտնեց, որովհետեւ կը պատկերացնէր, որ Ալիեւ քիչ մը աւելի խոր գիտելիքներ պէտք է ունեցած ըլլայ սեփական պատմութեան մասին: Պաշտօնական Պաքուն եւ անոր ղեկավարը կը մոռնան իրենց նորագոյն պատմութիւնը, նկատել տուաւ Դաւիթ Բաբայեան՝ ըսելով, թէ Իլհամ Ալիեւի հայրը՝ Հայտար Ալիեւ, 1994ին եւ անկէ ետք քանի մը անգամ զինադադար խնդրած էր։ Ըստ Բաբայեանի՝ ան դիմած էր Արցախի Հանրապետութեան ղեկավարութեան՝ նամակին մէջ նշելով Ղարաբաղի Հանրապետութիւն եւ խնդրելով զինադադար. «Այդ նամակներուն բնօրինակները մեր մօտ են, եթէ այդպէս է, այն ժամանակ չկար որեւէ այլ հարց, հիմա իր որդին այլ բաներ է խօսում, պէտք է զօրքեր դուրս բերել եւ այլն, այսինքն՝ այս բոլորը ցոյց են տալիս, որ Ադրբեճան պետութիւնը պատրաստ չի որեւէ կառուցողական երկխօսութեան»: Դաւիթ Բաբայեան շեշտեց, որ այս բանավէճէն ետք պէտք է գիտակցիլ, որ Ատրպէյճանի պահանջները չեն փոխուած:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top